يسرا تدعم محمد صلاح بعد رحيله عن ليفربول: كانت رحلة عظيمة واللي جاي أجمل وأكبر

حرصت الفنانة يسرا على توجيه رسالة لمحمد صلاح نجم منتخب مصر ، لدعمه في خطوته المقبلة بعد رحيله عن ليفربول.

نشرت يسرا صورة تجمعها بمحمد صلاح عبر حسابه الرسمي بموقع انستجرام وعلقت قائلة: "بعيدًا عن النجاحات والإنجازات اللي العالم كله شايفها، أنا حابة أقول لك إن أكثر شيء مميز فيك هو شخصك الطيب الجميل".

وتابعت: "إنك فريد واستثنائي فعلًا، بموهبة كبيرة، لكن بقلب أكبر، وبحضور يخلي أي حد يعرفك يفتخر بيك أكتر.. رحلتك مع ليفربول كانت رحلة عظيمة بكل معنى الكلمة، مش بس لأنك صنعت فيها تاريخ، لكن لأنك كنت دايمًا مثال يُحتذى به في الالتزام والاحترام، وفي إن النجاح الحقيقي عمره ما غيّر في أصلك ولا في تواضعك".

واستكملت يسرا رسالتها لمحمد صلاح قائلة: "أنت مش بس مصدر فخر لمصر، أنت واحد من رموزها اللي بنعتز بيهم بجد… وكل خطوة نجحت فيها كانت فرحة لناس كتير، وأنا واحدة منهم، ببارك لك على انتهاء فصل مهم واستثنائي من رحلتك".

واختتمت: "ومتأكدة إن اللي جاي هيكون أجمل وأكبر، لأن الناس اللي زيك ما بتقفش عند محطة… هي دايمًا بتكمل وتبهر.. ربنا يوفقك في كل خطوة جاية، ويفضل نجاحك دايمًا على قد تعبك وقلبك الجميل".