آخر كلمات نعيم عيسى وأمنيته قبل الرحيل.. بماذا أوصى أولاده؟

رحل الفنان نعيم عيسى عن عالمنا اليوم الاثنين 5 مايو الجاري، بعد صراع طويل مع المرض.

وكان قد كشف أمنيته ووصيته لأولاده في آخر لقاء تلفزيوني له عام 2022، مع الإعلامي عمرو الليثي.

أمنية نعيم عيسى

وقال: «اللي أتمناه أوفر الـ 1200 جنيه اللي بدفعهم في الشقة الإيجار الجديد وأتمنى شقة تمليك باسمي عشان أسيبها لولادي اللي عايشين.. وأتمنى أعمل عمرة أنا وبنتي مع بعض أخلي بالي منها وهي تخلي بالها مني».

وفيما يخص وصيته لأولاده، قال نعيم عيسى: «وأوصي ولادي دايمًا يخلي بالهم من بعض ويخافوا على بعض ويحبوا بعض وربنا يكرمهم ويحبب خلقه فيهم».

نعيم عيسى

آخر كلمات نعيم عيسى

وفي نفس اللقاء، قال إنه يشعر بالظلم بسبب عدم التفكير في تكريمه في أي مناسبة فنية، معلقًا: «بتفرج في التليفزيون وبشوفهم بيكرموا فنانين كتير، ولا حد فكر يكرمني، طبعًا هما ظالمني، ليه مفيش حد بيبعتلي شغل، والنقيب ليه مش بيزورني أو يبعتلي حد من الفنانين يزورني».

واستكمل نعيم عيسى: «بقالي أكثر من 10 سنين قاعد من غير شغل، ويدوبك عايش على المعاش ومش بيكفيني، وبميل على ولادي»، واختتم حديثه باكيًا: «حاسس بحسرة كبيرة، ليه انتهيت مريض ونايم في البيت، ليه مش باخرج وأمثل، ليه محدش بيبعتلي وزملائي والمخرجين مش بيزوروني».

وفي آخر ظهور له عبر فيديو عبر صفحته الرسمية بموقع فيس بوك: «مبروك علينا كلنا الفطر من بعد الصيام.. ده عيد وشرع ربنا عشان يفرح اللي صام.. يكافئ اللي صام نهاره وقضى ليله في القيام واللي عامل بالود جاره وغض عينه عن حرام واللي قرأ قرآن وذكى ودعا والناس نيام.. مش برضو اللي عنده عامل وقضى عمله لازمله أجر.. أهو ربنا من كرمه عامل في آخره ليلة بألف شهر.. علشان يكافئ صبرنا على الطاعة وحسن الالتزام بثواب يخلي قلبنا يشتاق له عام بعد عام .. مبروك علينا كلنا الفطر من بعد الصيام».

https://www.facebook.com/reel/995242978906854