آمال ماهر: ابني عمر كان البوصلة والمنقذ.. والمسؤولية خلتني أكون الشخصية اللي أنتم عارفينها

تحدثت الفنانة آمال ماهر عن علاقتها بنجلها عمر، كاشفة أن الأمومة كانت نقطة التحوّل الحقيقية في حياتها، وأن مسؤولية تربيته جعلتها تكتشف ذاتها وتعيد بناء كيانها من جديد.

وقالت آمال ماهر: "عمر ابني مسؤوليته عندي خلتني أدور على كيان آمال، أنا كنت عايشة اليوم بيومه ومن غير مسؤوليات، وكنت بقول يا رب أنت ليه ادتني المسؤولية دي؟ وعرفت بعد 21 سنة إن ده علشان أحافظ على نفسي وأبقى آمال اللي أنتوا عارفينها، وأحس إن فيه حاجة بحبها أكتر من نفسي أعيش لها ومتجرش لأي طريق مش مظبوط".

وأضافت: "ابني كان المنقذ والبوصلة، أنا ملحقتش أعيش طفولتي وماليش ذكريات في طفولتي من غيره"، مشيرة إلى أنها سعت لأن تكون أماً قوية تفتخر بها ابنها في المستقبل.

وتابعت آمال ماهر متحدثة عن تفاصيل تربيتها لابنها: "عمر كان طفل مُدلل وعايش في بيت عيلة، فكلمتي مكنتش بتمشي، وكنت ضد فكرة الضرب وأقول لا يمكن أضرب ابني، لكن كسرت القاعدة علشان يسمع كلامي، وكان متعب دراسيًا جدًا، غيرنا مدارس كتير وشقيت معاه لحد ما دخل جامعة في لندن".

واختتمت تصريحاتها قائلة: "كان في مشاكل على حضانة عمر لكن وصلنا لاتفاق، وأنا اتحملت المسؤولية، وبكن كل الاحترام لوالده علشان عمر موجود، وهو أغلى حاجة في حياتي".