أبو العينين يرد على قيادته سيارة «بوجاتي» في أوروبا: منها 30 نسخة فقط عالميا

كشف النائب محمد أبو العينين، وكيل مجلس النواب، تفاصيل صورة شهيرة التُقطت له وهو يقود سيارة رياضية نادرة في أوروبا، والتي أعاد رواد مواقع التواصل تداولها بكثافة.

وقال أبو العينين خلال حواره مع الإعلامي معتز الدمرداش، ببرنامج ضيفي المذاع على قناة الشرق: "عارف طبعًا إننا عايشين دلوقتي في عالم السوشيال ميديا، وكل شوية حد يجي يبعتلي صورة ليا وأنا سايق عربية رياضية، والناس مش واخدين بالهم إني كنت هناك من أكتر من 20 سنة".

وأضاف: "العربية دي كنت شاريها من سنة 2006، وقت ما كان اليورو بـ8 جنيه.. كان سعرها وقتها معقول جدًا، بس العربية نادرة، من النوع اللي بيتعمل منه 30 نسخة بس، يعني إنتاج محدود جدًا من بوجاتي".

وأكمل: "كل ما بروح هناك لازم أشغل العربية وأجربها على الطريق المفتوح، والناس لما تشوفها بتتصور معايا مش علشاني، لكن علشان العربية، لأنها نادرة ومميزة جدًا في شكلها ولونها".

وعن مشهد شهير انتشر له، قال أبو العينين: "فاكر مرة خرجت من الشاطئ كنت لابس مايوه، ركبت العربية ومشيت، الفيديو دا لوحده جاب حوالي 150 مليون مشاهدة.. يعني حتى الهواية ممكن تتحول لمشروع".