أبوالعينين يتحدث عن بداياته: بدأت بماكينة فى ورشة صغيرة ومفكرتش فى الفلوس

كشف النائب محمد أبو العينين، وكيل مجلس النواب، عن كواليس رحلته الطويلة في عالم الصناعة والاقتصاد، متحدثًا عن بداياته، والتحديات التي واجهها، وكيف استطاع أن يبني اسمه ومكانته بجهد وإصرار.

وقال في تصريحات إعلامية: "زمان كنت بروح اشتري خضار من السوق بـ5 جنيه، وأرجع البيت بكيس كبير، أبيع شوية للستات، وأخبّي الباقي لأهلي.. كنت اجتهد من وأنا صغير، واشتغلت في أكتر من حاجة وأنا في المدرسة".

وأضاف أبو العينين: "كنت بحب أشوف الناس اللي بتكافح وتشتغل، وده اللي خلاني أفكر أدخل مجال الصناعة بعد ما خلصت تعليمي، وحبيت المجال ده من قلبي، ودايمًا كنت بحلم أصدر خارج مصر ويبقى عندي منتج مصري أفتخر به".

واختتم كلامه وقال: "عمري ما قلت لأ على شغل، حتى وأنا طالب في الجامعة، كنت شغال وأذاكر في نفس الوقت.. النجاح مش بييجي بالساهل، النجاح عايز تعب وإصرار".