أحدث ظهور لنجل محمد ثروت أثناء علاجه في ألمانيا: «الحياة مش بتقف غير لما بنبطل نحاول»

ياسمين حمادة 06 يونية 2023 | 04:53 مساءً

شارك الفنان أحمد ثروت نجل محمد ثروت متابعيه وجمهوره بنشره صورة جديدة له أثناء علاجه في ألمانيا، ووجه رسالة لجمهوره ومتابعيه.

نجل محمد ثروت في ألمانيا

علق نجل محمد ثروت على صورته أثناء العلاج في ألمانيا، التي نشرها عبر حسابه الرسمي بموقع انستجرام، قائلًا: «لما تحس بالضعف أو اليأس.. ماتستسلمش».

وأضاف أحمد ثروت قائلًا: «أقع وقوم ألف مرة.. المهم متروحش تنام في سريرك مكسور.. وخليك دايمًا فاكر إن الحياة مش بتقف غير لما بنبطل نحاول!».

نجل محمد ثروت في ألمانيا

أحمد ثروت نجل محمد ثروت

كان قد كشف المخرج أحمد ثروت نجل المطرب محمد ثروت عن أحدث ظهور له داخل عمله وشركته الخاصة بعد عودته من رحلة علاج بألمانيا.

وقال المطرب أحمد ثروت في أحدث ظهور له عبر حسابه الشخصي على موقع التواصل الاجتماعي انستجرام وعلق قائلًا: الحمد لله من داخل مكتبي لفترة محدودة.. بعد 3 شهور.. المكان ده بنسبالي 10 سنين من حياتي، شغل، تعب، نجاح، إدارة أزمات وأحلام اتحولت لمشاريع ومعافرة مستمرة لتقديم كل ما هو جديد.

وتابع أحمد ثروت: اتعرفت فيه على ناس تحولوا من زملاء في الشغل لأخواتي اللي مش بشبع منهم والحمد لله بنشتغل مع بعض ونخرج ونتفسح ونسافر مع بعض.. ولما رجعت الشركة مش عارف أوصف أنا فخور بيكم قد إيه و مهما أقول مش هيوفي حقكم إن في ظل ظروف الاختبار اللي أنا فيه كنتوا السند اللي حافظ على حلمي إنه يستمر ويفضل يكبر بفضل ربنا علينا ومجهودكم والحقيقي.

وأضاف نجل محمد ثروت: عرفت إن الشركة فعلاً مش محتاجاني طول ما فيها أبطال ولاد أصول زيكم وفعلاً الاختبارات ربنا بيحطنا فيها بتكشفلنا المزيفين واللي بياخدوك مرحلة وبرضو بتبين معادن الناس الحلوة تااب ربنا بيبعتهم لينا في صورة رزق اللي بتقدر تسند عليهم طول العمر.

أحمد ثروت نجل محمد ثروت