أحمد آدم : «عادل إمام بيحبني ومحمد صبحي مؤمن بالديكتاتورية وويجز بيعمل طفرة»

تحدث الفنان أحمد آدم عن رأيه في المسرح بجانب كواليس من أعماله الفنية وعدد من نجوم الفن مثل عادل إمام وماجد الكدواني ومحمد صبحي وآخرين.

تصريحات أحمد آدم

قال أحمد آدم : «حاسس إني ممكن لو عملت شغل مع ماجد الكدواني هنكسر الدنيا وهو من نوعيات الكوميديانات لا يدعي الكوميديا وبتطلع منه تلقائية وبيضحك من خلال الشخصية، وماجد لطيف ودمه خفيف».

وتابع أحمد آدم في تصريحات تلفزيونية: «فيه كيميا بيننا حلوة ومشاهدنا مع بعض دمها خفيف، وأنا وهنيدي لما بنشتغل مع بعض بيكون في كيميا عليا، واشتغلنا مع بعض أفلام ومسلسلات».

علق أحمد آدم على حقيقة ديكتاتورية محمد صبحي، قائلًا: «صبحي مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية يتفرج عليها أي حد».

أحمد آدم

أحمد آدم ونجوم الفن

واستكمل: «هو بيبقى في دماغه تركيبة وشكل الضحك والموضوع، وبيبقى لهم تركيبة صعب تخش تبوظها، وهي مش ديكتاتورية على قد ما هي أن الممثل جزء من الصورة مش الصورة كلها أما الشغل مع عادل إمام حاجة تانية».

وقال عن عادل إمام:  «وهو كان بيحبني قوي ولما عرفته على المستوى الإنساني حبني أكثر وأنا من جمهوره وهو مع أصحابه بيشيل كل الحواجز وبيبقى فيه تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوله وهو محترف وفنان وإنسان».

أشار أحمد آدم في تصريحاته إلى أن مطرب الراب ويجز، حقق طفرة في مجال الغناء، معلقًا: «ويجز عامل نوع غناء جديد وهو مش راب ولكن اسمه تراب، وهذا التراب هو شبه المزيكا العالمية النحاسية الجامد اللي بره وأغاني الراب مش بفهمها وطول الوقت حاسس إن في حد هيهجم عليا».

أحمد آدم

أحمد آدم والمسرح

أوضح أحمد آدم أن تجربة الفنان أشرف عبد الباقي في مسرح مصر جيدة، لكن ما يقدمه كان اسكتشات وليس مسرح ثم عدل النظام وتحولت إلى مسرح، مضيفًا: «نجح في إخراج شباب جديد وأصبحوا نجوم والمهم الاستمرارية، أما أزمة المسرح ستظل موجودة طول ما الدولة إيديها بره المسرح».

واستكمل أحمد آدم كلامه: «الدولة لازم ترخص التكاليف لأنه في حال عدم ترخيص الضرائب والرسومات وما إلى آخره ده سينعكس على ثمن التذكرة، وكمان مفيش دعاية واعلانات للمسرح في مصر زي زمان».

سر خلاف أحمد آدم ومنة شلبي.. ندمانة إني اشتغلت معاه

أحمد آدم ورزان مغربي يتصدران البوستر الدعائي لفيلم «صابر وراضي»