أحمد التهامي يكشف سرقة فكرة فيلم تامر حسني الجديد: مشروع عمري اللي تعبت فيه

ياسمين حمادة 21 فبراير 2023 | 06:18 مساءً

كشف الفنان أحمد التهامي أن فكرة فيلم تاج وهي التوأم الخارق فكرته من الأساس، والمقرر أن يقدمها تامر حسني في فيلمه الجديد لعام 2023.

أحمد التهامي وتامر حسني

كتب الفنان أحمد التهامي في منشور عبر حسابه الرسمي بموقع فيس بوك: «أنا سكتت كتير عن حقي عشان مزعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي».

واستكمل الفنان أحمد التهامي: «وتعبي في مشواري الفني وقولت كل شيء نصيب والحمدلله على حب الناس والدنيا مستوره والحمدلله.. إنما توصل إن مشروعي مشروع عمري اللي أنا تعبت فيه في كتابته ولفيت بيه على معظم شركات الإنتاج».

أحمد التهامي وتامر حسني

تصريحات أحمد التهامي

وأضاف قائلًا: «ولسه عندي يقين وإيمان بالله إن هييجي يوم وأعمله يتسرق مني ويعمله حد تاني بغض النظر ده فيلمي ومشروعي وأنا أول واحد من 10 سنين فكرت في فكرة البطل الخارق وطول الفتره دي كان يتسرق أجزاء من الفيلم وأقول عادي».

واختتم الفنان أحمد التهامي كلامه عن سرقة فيلم تاج للفنان تامر حسني: «إنما التوائم الخارق ده بتاعي ومسجله في المصنفات والشهر العقاري.. تامر حسني صاحبي وأخويا وأكيد ميعرفش المعلومة دي أرجو الرساله توصله لأن أكيد في ناس كتير مؤذيه وحسبي الله ونعم الوكيل.. وأأنا حولت أوصل لـ تامر حسني ومعرفتش».

كواليس فيلم تاج لـ تامر حسني