أحمد السعدني يكشف تأثير مسلسل لام شمسية على علاقته بأبنائه: ياسين ظهر معي

تحدث الفنان أحمد السعدني عن كواليس تقديمه مسلسل لام شمسية، في رمضان 2025، وتأثير العمل على أولاده.

قال أحمد السعدني عبر تصريحات تلفزيونية: «مفيش حد بيكون متوقع النجاح، لكن الواحد بيكون عارف إنه بيعمل حاجة مهمة.. والدتي دايمًا قبل أي عمل تسألني كويس ولا وحش، وأنا بكون عارف لكن النجاح مش بإيدينا».

تصريحات أحمد السعدني عن مسلسل لام شمسية

وتابع: «لما خلصنا تصوير واتفرجت على أول حلقة، كلمت المخرج كريم الشناوي وقلتله ده عمل عظيم، ومشهد معرفتي بتحرش ابني محضرتلوش، أنا عيطت من غير ما أحس بنفسي، ولما اتفرجت عليه سألت نفسي: أنا عملته إزاي؟»، لافتًا إلى أن دوره في مسلسل لام شمسية الأصعب في مسيرته الفنية.

وفيما يخص التأثير الإيجابي الذي تركه مسلسل لام شمسية على علاقته بأبنائه، خاصة ابنه الأصغر ياسين، أكد أحمد السعدني أنه وجد فرصة لتعزيز التواصل معه من خلال القضايا المهمة التي يطرحها العمل.

تأثير مسلسل لام شمسية على أبناء أحمد السعدني

وأشار إلى أنه حرص على مشاهدة الحلقة الأولى من العمل مع ابنه، مما أدى إلى فتح باب النقاش حول العديد من القضايا الحساسة التي يتناولها المسلسل، مثل حماية الأطفال من التحرش.

وأكد أحمد السعدني أنه استغل الفرصة لتقديم التوعية اللازمة لابنه، موضحًا أهمية الحديث مع الأطفال حول مثل هذه الأمور لضمان فهمهم لها بشكل صحيح.

واختتم: «ياسين حضر معايا التصوير يوم، وطلع معايا في مشهد، طلع قاعد جنبي، وعبدالله اتكلمت معاه عن فترة البلوغ لما بدأ يبقى شاب أو مراهق، وإتكلمت معاه في كل حاجة خاصة بالمرحلة اللي هو داخل عليها، وابني الصغير اتفرج معايا على أول حلقة، وكنت حريص إن ياسين يشوف أول حلقة معايا، وفي المشهد الأخير قال يا بابا أنت بتعمل إيه وقعدت فهمته وبدل قعدة مخصوص زي قعدة عبدالله قلت له كل حاجة وإحنا بنتفرج على المسلسل، ودي قيمة الفن، إنه يسهل توصيل المعلومة بشكل كبير».

مسلسل لام شمسية