أحمد السقا يكشف عدد مرات سقوطه من الخيل: 26 مرة… والسبب إني نسيت أقول الوِرد بتاعي

تحدث الفنان أحمد السقا عن علاقته بركوب الخيل، اللي يعتبره جزء أساسي من حياته الفنية والشخصية، وكشف عن عدد المرات اللي تعرض فيها للسقوط أثناء التدريب.

وقال السقا إنه وقع 26 مرة من فوق الحصان، وغالبًا كانت الحوادث بتحصل خلال القفز، مؤكدًا إن اللحظات دي كانت بتحصل في الأيام اللي بينسى فيها يقرأ الوِرد قبل ما يركب.

وأشار السقا إلى إن ركوب الخيل مهارة بتحتاج التزام وتركيز كبير، وإن من الفنانين اللي بيجيدوا الفروسية بشكل احترافي هي الفنانة حورية فرغلي، اللي وصفها بأنها «الوحيدة اللي كانت بتركب خيل باحتراف».

وأضاف إن محمد رمضان وأحمد العوضي كمان بيجيدوا ركوب الخيل بشكل كويس وبيعرفوا يتعاملوا معاه باحترافية واضحة.