أحمد السقا: 4 أشخاص بيكتبوا في حسابي وكلام البوست مش لغتي

كشف الفنان أحمد السقا حقيقة المنشورات المنسوبة لصفحته الشخصية بموقع فيس بوك، وذلك من خلال اتصال بينه وبين الإعلامية بسمة وهبة أثناء تواجده لتأدية مناسك الحج.

وقال أحمد السقا في مكالمته معها، وذلك بحسب ما نقلته عبر تصريحات تلفزيونية: «كنت بعمل طواف القدوم ورجعت الساعة 11 الصبح، وصحيت لقيت التليفون هينفجر من كمية الرسائل والاتصالات».

رد أحمد السقا على المنشورات المثيرة للجدل

وتابع: «أولا الكلام اللي في البوست مش لغتي ولا طريقة كلامي، وبعدها فتحت الصفحة وملقيتش البوست، وكلمت أختي تدخل تشوف الموضوع، ثم اكتشفنا 4 أشخاص بيدخلوا كأنهم أدمن على الحساب وهما مش تبعنا».

واستكمل أحمد السقا: «بيدخلوا يكتبوا البوست ويسيبوه شوية وفي الآخر يتمسح ويخرجوا من الحساب».

تصريحات أحمد السقا مع بسمة وهبة

واختتمت بسمة وهبة حديثها، قائلة: «أحمد السقا قال لي معنديش ضغينة لأي حد، ولو أم ياسين احتاجتني دلوقتي هكون أول واحد جنبها ومش هتردد، لأنها إنسانة طيبة جدًا، ومقدرش أتحمل لو حد في يوم من الأيام زعلها لأي سبب، وأنا مش هعيش قد العمر اللي فات، ومش عايز مشاكل»، لافتًا إلى عدم وجود نية لرجوعه إلى مها الصغير.