أحمد العوضي لـ ياسمين عبد العزيز بعد دخولها العمليات: « أنا ضعيف منغيرك»

وجه الفنان أحمد العوضي رسالة مؤثرة لزوجته الفنانة ياسمين عبد العزيز، بعد دخولها العمليات منذ قليل دون توضيح السبب .

وكتب العوضي عبر حسابه الشخصي «فيس بوك »، «يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامة ».

وأضاف، «انا لاول مره اكتب من غير ما اكون مفكر انا بكتب ايه وهكتب ايه ... بس انتي هتقومي ان شاء الله باذن الله عشان انتي وعداني وعد وهتتفذيه ... انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مرة».

وتابع، «انا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوة ومواقف صعبة مرت علينا ... اكتر بكتير حتي من الموقف اللي احنا فيه دلوقتي .. انا بحبك ».

وطالب جمهوره بالدعاء لها قائلا، «ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم ».

ياسمين عبد العزيز تخضع لعملية جراحية

كشف الفنان أحمد العوضي عن خضوع زوجته الفنانة ياسمين عبد العزيز لعملية جراحية.

وكتب العوضي عبر حسابه الرسمي على موقع التواصل الاجتماعي «فيسبوك»: «الرجاء الدعاء بظهر الغيب لزوجتي وحييبتي ياسمين.. هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم أرفع عنها البلاء والوباء واشفيها وعافيها».

أخر أعمال الفنانة ياسمين عبد العزيز مسلسل « اللى مالوش كبير » مع الفنان أحمد العوضي في رمضان الماضي، وحققت من خلاله نجاحا كبيرا .

ياسمين عبد العزيز تخضع لعملية جراحية

أحمد العوضي يرد حملات التشويه التى تعرضت لها ياسمين عبد العزيز: «زوجتي خط أحمر»