أحمد ثروت يستجيب للعلاج بعد 160 يوما من الصراع مع المرض النادر.. فيديو

أعلن الفنان أحمد ثروت نجل الفنان محمد ثروت استجابته للعلاج من مرض نادر أصابه، ونشر فيديو له أثناء العلاج الطبيعي، معلقًا: «الحمد لله كرم من ربنا وبفضل دعواتكم النهادرة بعد 160 يوم صراع مع متلازمة ميلر فيشر».

أحمد ثروت نجل محمد ثروت

وعلق أحمد ثروت على الفيديو الذي نشره عبر حسابه الرسمي بموقع انستجرام، قائلًا: «أول يوم أنجح إني أقف تاني على رجلي بعد عشرات الأسابيع ومئات المحاولات.. واتعلمت كتير من اختبار ربنا ليا، اتعلمت الرضا والحمد على كل حال وإن ستر ربنا علينا فوق كل شيء ومدى تحملك بيجي معاه كرمه ليك في الآخر وإنه مش هيخذلك طول مانت مسلم أمرك».

وأضاف: «وإن عادي ممكن ابتدي تاني كل حاجة من الأول وإن لسه في أمل طول ما في حياة.. ربنا ألهمني في أول الإصابة إني أوثق الاختبار ده من أول يوم حتي الآن، وده عشان أول ما أقوم إن شاء الله اتمني أكون سبب في التوعيه لمثل هذه الأمراض النادرة».

أحمد ثروت نجل محمد ثروت

مرض نجل محمد ثروت

واستكمل: «وإزاي لو لقدر الله اتصابت أنت بيها أو حد قريب منك تتعامل معاه إزاي لأن جزء كبير من التعافي هو الحالة النفسية للمصاب.. حابب أقول حاجة من قلبي بجد، الكرم اللي ربنا كرمني بيه ده نور لي حاجات كتيرة، خلاني أقعد مع نفسي أقيمها وعرفني قيمة نعمة نعمة هو مديهالي زي إني أدخل الحمام لوحدي أو أعرف أكل لوحدي أو أمشي خطوة او حتي اتحكم ف جسمي».

وكتب نجل محمد ثروت أيضًا: «واللي معظم الناس ماتعرفوش إني كنت فقدت بصري لأسابيع في عيني اليسري وفقدت القدرة على التحكم فالكلام لأكثر من شهر.. وكل يوم كنت بسأل نفسي وأنا في ظروف دي لو ربنا افتكرني هو أنا قدمت ايه لكل الي حواليا؟!… وصلت دلوقتي إن بقي عندي هدف أكبر من إني أنجح او اشتغل لنفسي بس».

وأضاف: «خلي عندي إحساس بحاجات قيمتها لما دخلت فيها وحسيت بيها زي مثلاً واحد جاله المرض اللي صابني ومش عارف وفاكر إن عنده مرض تاني وتوفى عشان عنصر الوقت لم يسعفه أو مريض تاني عرف التشخيص ومعهوش فلوس العلاج نظراً إن العلاج بتاع الأمراض المناعية زي حقن الأجسام المضادة غالية جدًا».

واختتم: «إن شاء الله قريبًا جدًا هقول عن حاجة شغال عليها هتخفف المعاناه عن أي حد محتاج مساندة أو مساعدة ويارب ربني يقدرني وماشوفش حد يدخل في اختبار زي اللي أنا مريت بيه.. أخيرًا حابب أشكر كل واحد دعالي من قلبه وكل صحابي وأهلي اللي كان حبهم ليا من أسباب إني أقف تاني على رجلي بعد ستر و توفيق ربنا.. ودعواتكم ليا لإتمام الشفاء على خير ويارب يكون ربنا جعل مني بعد اختباره ده إنسان أفضل».

أحمد ثروت نجل محمد ثروت

 

View this post on Instagram

 

A post shared by Ahmed Sarwat (@ahmedsarwat)