أحمد ثروت يوجه رسالة مؤثرة لوالده بعد حفل الزفاف: أب عظيم شال عائلة كاملة

شارك المخرج أحمد ثروت صورة جمعته بوالده الفنان محمد ثروت في حفل زفافه، ووجه الشكر لوالده الذي ظهر في الصورة يبكي متأثرًا بسبب فرحته بزفاف ابنه.

علق أحمد ثروت نجل محمد ثروت على الصورة التي نشرها، عبر حسابه الرسمي بموقع فيس بوك: «يوم 25.11.2023.. أبويا العظيم علمنا درس في يوم كتب كتابي إن الحنين ربنا بيحن عليه».

أحمد ثروت نجل محمد ثروت

وتابع: «والحمد لله ربنا خلاني أشوف دموع الفرح بدل دموع الحزن اللي كانت بسبب ظروف مرضي السنة اللي فاتت دي كلها في عين أبويا وأسرتي بعد سنة من أصعب سنين حياتنا ربنا كرمني إني أقدر أفرح أهلي وأهل لمى.. بس أول ما شوفت الصورة دي لاقيتها بتلخص وبتحكي حاجات كتير أوي».

واستكمل أحمد ثروت قائلًا: «بتحكي عن أب عظيم شال عيلة كاملة فوق كتافه سنين وضحى بكل ما يمكن عشان أسرته تكون مبسوطة ومطمنة وفي أحسن حال وكان ومازال أحن أب وعن أم كان كل شغلها الشاغل ولادها وجوزها واستحملت كتير وكانت عمود للبيت كله وعن أخت كانت ومازالت السند والصديق في الفرح والكرب وعن زوجة ربنا رزقني بيها فعلاً يارب أكون أستحقها».

أحمد ثروت نجل محمد ثروت

حفل زفاف أحمد ثروت ولمى الشواربي

واختتم: «كل اللي حابب أقوله، إن لو ربنا كرمني بشيء حلو أو بعتلي رزق أو شفاني من مرضي في ده بسبب الخير اللي عمله وبيعمله دايمًا الراجل العظيم ده أبويا محمد ثروت.. ربنا يديك الصحة ويقدرني إني أعوضك وأبدلك أي ذكرى حزينة أو صعبة بفرح وسعادة».