أحمد حلمي يروي ذكرياته مع والده باكيا: صانع أمل في حياتي من معاناته

تحدث الفنان أحمد حلمي عن أسرار من حياته وعلاقته بأسرته، قائلًا: «أنا أبويا مات وملحقتش أشبع منه، أعيش معاه مرحلة الصحوبية أوي، لأنه هو مات وأنا كنت لسه في أوائل الجامعة».

وتابع الفنان أحمد حلمي حديثه عن والده، قائلًا: «علشان أنا كنت في القاهرة، وهما في بنها فمكنتش بشوفهم كتير.. ملحقتش أحكيله ويحكيلي ونخرج، لأن هو كمان فيه فترة تعب فدي كانت من اللحظات الصعبة أوي اللي تحس بالعجز».

أحمد حلمي ووالده

واستكمل: «إنك مش عارف تعمل حاجة، دي من أكتر اللحظات الصعبة اللي ممكن الواحد يحس بيها في حياته.. وكتبت له جملة في الكتاب الوحيد اللي عملته، قولتله أبي هل تراني كما أراك دومًا في منامي».

وقال أيضًا: «أبويا كان عبارة عن شجرة ماتت بس كل جذورها جوايا، بيصعب عليا أوي لأنه تعب، هو صانع أمل في حياتي من معاناته، وإن مفيش مستحيل وإن وجود ربنا جوا الإنسان مهم أوي»، وأشار إلى أن بعد عودته من السعودية خسر والده أمواله بالكامل وخضع لعملية قلب مفتوح، تسبب له في «زغطة وسط الكلام» فكان مع كل جملة يصاب بها، وظلت معه 12 عامًا.

أحمد حلمي

تصريحات أحمد حلمي

واستكمل الفنان أحمد حلمي: «هو شيء مؤلم للغاية، ورغم ذلك لم يصاب بالعصبية أو النرفزة علينا إطلاقًا»، وقال أيضًا عن والده وهو يبكي: «بعدها أصيب بالسرطان فملحقتوش، حتى الوقت اللي كنت فيه معاه كان تعبان».

وأضاف: «أنا بحلم بيه كتير وببقى عارف أن معظمها رسايل ومش من عقلي الباطن، لأن قبلها مكنتش بفكر فيه لكن بحلم بيه فجأة وفي أحلام كان بيزعقلي فيها ولما سألت حد بيفهم في الأحلام كان بيطلع التفسير عكس ما كنت أنا متخيل وببقى سعيد لما بشوفه في الحلم».

وفيما يخص فقدان صوته، عندما كان صغيرًا، أوضح أن السبب كان شقيقه، قائلًا: «كان في مرة أنا وأخويا عندنا مسحوق غسيل وأخويا كان أكبر مني بسنتين ومرة رمى جزء من مسحوق الغسيل فدخل في فمي وبلعته وصوتي راح».

أحمد حلمي ووالده