أحمد رمزي يعترف بأخطاء مسلسل فخر الدلتا: مش هبقى منافق.. ومن حق الجمهور ينتقدني

رد الفنان أحمد رمزي على منتقدي مسلسل فخر الدلتا، الذي نافس به ضمن موسم دراما رمضان 2026.

قال أحمد رمزي عبر تصريحات إذاعية: «فيه أخطاء؟ اه فيه أخطاء دي حاجة طبيعية جدًا أنا شوفتها بعيني أنا أول تجربة طبعًا نفسي تبقى الحاجة مفيهاش غلطة ده اللي في خيالي نفسي أعمل دا وبسعى دايمًا لده ومكنتش بنام».

تصريحات أحمد رمزي

واستكمل: «طلع فيها أخطاء الحمدلله إن إحنا طلعنا التجربة للنور بإذن الله اللي جاي أحسن وأحسن، اللي انبسط بقى معانا مبسوط نضمه لينا واللي لسه متبسطش إن شاء الله أضمه لينا العمل اللي جاي، وبقرأ كل التعليقات وزي ما هفرح بالإيجابي اللي عنده تعليق سلبي من حقه يكتبه يا أما هبقى منافق».

وتابع أحمد رمزي: «وعايز اقرأ الحلو وبس وأمثل في البيت بقى مع أبويا وأمي يفرحوا بيا العالم اللي بيحبك وعمره ما ينتقدك، عادي انتقد بأي طريقة أنا مش بيضايقني لو حد اتعصب حتى في النقد بتاعه هو كان عايز يشوف حاجة حلوة، أنت بتعمل مسلسل في التلفزيون عشان الناس تشوفه وبتحاول تقدم لهم حاجة ينبسطوا بيها».

رد أحمد رمزي على منتقدي مسلسل فخر الدلتا

واختتم: «فاستحمل أنت اخترت أن عايز تبقى نجم ده بيحفزني جدًا على النجاح أكتر إن شاء الله اللي محبش ده بإذن الله ببذل كل المجهود عشان اللي جاي تحبه».