أحمد زاهر يروي قصة مرضه لأول مرة: موت ورجعت للحياة تاني

ياسمين حمادة 15 يناير 2023 | 06:05 مساءً

تحدث الفنان أحمد زاهر عن مرضه لأول مرة، لافتًا إلى أنه مات وعاد للحياة مرة ثانية، حيث قال: «أول مرة في حياتي اتكلم على النقطة دي».

مرض أحمد زاهر

قال الفنان أحمد زاهر في تصريحات صحفية له: «خلال فترة مرضي حصل لي موقف إني موت ورجعت تاني للحياة، وده بشكل حقيقي».

وتابع أحمد زاهر كلامه: «الموضوع مؤلم شوية، وكان صحابي اللي معايا الفنان أحمد صفوت والفنان كمال عطية في البيت بالوقت ده، وأنا كنت في عز المرض».

تصريحات أحمد زاهر

واستكمل كلامه: وقاعدين بنتكلم عادي جدًا، وفجأة حسيت نفسي كأني بسقط في بير وبنزل وأنا قاعد ومحستش بأي حاجة، وانفصلت عن الواقع وكل اللي شوفته حاجات سوداء».

وأضاف أحمد زاهر : «فجأة كنت مش موجود في الواقع، ولما فوقت لقيت كمال وأحمد صفوت منهارين من العياط بشكل هستيري وخلاص أنا موت».

وقال أيضًا: «ووشى لاقيته متغير واحمر جدًا جدًا من كتر ما ضربوني عشان محاولات إني أفوق، وفعلًا ربنا أعطاني فُرصة ثانية للحياة عشان أصلح أخطائي، وأولها كانت القرب منه ولحد الآن».

تحدث الفنان أحمد زاهر عن كواليس خلافه مع الفنانة غادة عبد الرازق قبل سنوات، خلال كواليس مسلسل حكاية حياة الذي تم عرضه عام 2013.

أحمد زاهر وغادة عبد الرازق

قال أحمد زاهر في تصريحات تلفزيونية له إنه لا يوجد كيمياء بينه وبين الفنانة غادة عبد الرازق على المستوى الإنساني والنفسي، ولكن ليس المهني لأنهما محترفان في مهنتهما.

وتابع الفنان أحمد زاهر قائلًا: «في عداوة بيني وبين غادة عبد الرازق لكن من ناحيتها هي أنا معملتلهاش حاجة، ممكن تكون مش بتحبني هي حرة مش هجبر حد إنه يحبني».

واستكمل: «رغم كدة هي من أقوى الممثلات في الوطن العربي وعملنا مع بعض مشاهد حلوة في حكاية حياة، وهي مكنتش موافقة إني أكون موجود في المسلسل ولكن رجعت في كلامها بناءً على كلامها مع المخرج محمد سامي».

الفنان أحمد زاهر