أحمد سعد: الشهرة آذتني مع ولادي وبحب يوم وفاتي

تحدث الفنان أحمد سعد عن أسرار من حياته الشخصية، بشأن الشهرة وتركه للمنزل واستقلاله بجانب يوم وفاته.

قال أحمد سعد في تصريحات تلفزيونية له: «سيبت البيت وأنا عندي 15 سنة، اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة».

أسرار أحمد سعد

وتابع: «فضلت طول الوقت عايش علشان أثبت لهم أن وجهة نظري صح، طول حياتي بثبت للناس ومفكرتش أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي علشان أغني وأقول مواويل».

واستكمل أحمد سعد: «حلمت حلم وأنا عندي 25 سنة وشوفت حاجات عن نفسي غريبة جدًا، فيها شخص مختلف تمامًا شوفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايمًا وأنا ماشي في العربية بقعد أستغفر لكل الناس، وأنا متدين ومتصوف بشكل معين».

شهرة أحمد سعد

وفيما يخص موقفه من الشهرة، قال: «مقدرش أعيش من غير الشهرة، والحاجة الوحيدة اللي آذتني فيها إني مش عارف أكون مع ولادي في الملاهي».

وأضاف الفنان أحمد سعد: «النجاح بالنسبة لي أن كل الناس في الحياة يلاقوا عندك حاجة يحبوها ليك سواء طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم».

يوم وفاة أحمد سعد

وعلق على يوم وفاته، قائلًا: «أنا بحب يوم وفاتي وبعشقه اليوم اللي هتحرر من كل الحاجات اللي ماسكاني، وفيه أغنية أنا عاملها رثاء لنفسي علشان تنزل بعد وفاتي، عايز أعيش في سلام من جوا ومن برا».

أحمد سعد

أحمد سعد