أحمد سعد: قعدت 15 سنة بعمل أغاني صعبة على المغنيين

كشف الفنان أحمد سعد كواليس الألوان الغنائية التي اعتاد تقديمها في بداية مشواره الفني، لافتًا إلى أنه كان يقدم أغاني طربية صعبة على الجمهور.

قال أحمد سعد عبر تصريحات إعلامية: «قعدت 15 أو 13 سنة بعمل أغاني مش صعبة على الجمهور، صعبة على المغنيين صحابي، طب ليه؟ أنت بتحارب الناس ليه؟ دول جايين عشان يغنوا معاك».

تصريحات أحمد سعد

وروى موقف طريف مرّ به في بدايات مشواره الفني، عندما طلب منه أحد الأشخاص في حفل زفافه الغناء، على الرغم من أنه يُقدم أغاني حزينة.

وتابع أحمد سعد: «مرة في بداية حياتي، واحد جابني في فرح وصعب عليا جدًا، كنت عايز أقوله ليه تبوظ فرحك؟ ليه جايبني ده أنا حزين جدًا، أنت بتبيع منتج ولازم حد يشتريه، المطرب مش هو المسؤول الأساسي عن الحاجات اللي بيعرضها، اللي بيشتري هو كمان مسؤول، لأني مش هبيع حاجة مبتتبعش».

كواليس أعمال أحمد سعد

واختتم: «فضلت طول عمري أبيع حاجات مبتتبعش، وأعملها وأنشرها وبعد ما أخلص الغناء أروح البيت ومحدش بيجيبني في الأفراح ولا الحفلات، هو بحر، كل ما بتنزل في الهبوط، الناس تشتري أكتر.. فأنا ممكن أروح للناس بالشكل اللي هما عايزينه، وأخدهم معايا ونرتقي».