أحمد سعد يطرح أغنية «كدة لأ» من فيلم «أبو نسب».. فيديو

طرح الفنان أحمد سعد أغنية «كدة لأ» من فيلم «أبو نسب»، عبر قناته الرسمية بموقع يوتيوب، والذي يعرض حاليًا في السينما، ضمن أفلام موسم رأس السنة الجديدة 2024.

أغنية «كدة لأ» من كلمات منة عدلي القيعي، وألحان إيهاب عبد الواحد، وتوزيع أحمد طارق يحيى وإسماعيل نصرت.

كلمات أغنية «كدة لأ»

وتقول كلماتها:

«ايه ده لأ

كدا فجأة؟

بتدق ف قلبى الدقة

مين زق الزقة دى عايز اعرف مين دا ومش طيب ليه؟

دا شرير

دا خطير

دا ماشوفتش زيه كتير

مش عارف انفد منه بجلدى ولا الزق فيه بضمير

انا شكلى اهو هجمد قلبى واقرب منه والاغيه

وهبص ف عينه يميل جمبى ونرقص ع التراباتيه

ولا اسكت اصل كتير قبلى اكيد راحوا ورجعوا فشوش

متلخبط حاسس حد مخبط على راسى بشاكوش

فيه شراسه

ولذاذة

ساقع سخن دا ف ازازة

الميكس غريب ودا مش هيسيب قلبى الا وطايله الكارثه

بتسوح

طاب اروح

انا مالى بزن بنوح

لا دا شاكله فى حاجة غير التانيين، لاتكونشى الحاسة السادسة

انا شكلى اهو هجمد قلبى واقرب منه والاغيه

وهبص ف عينه يميل جمبى ونرقص ع التراباتيه

ولا اسكت اصل كتير قبلى اكيد راحوا ورجعوا فشوش

متلخبط حاسس حد مخبط على راسى بشاكوش».

أبطال فيلم أبو نسب

تدور أحداث العمل ضمن إطار كوميدي اجتماعي، حول محمد إمام الذي يلعب دور طبيب أطفال ويعيش قصة حب مع ياسمين صبري التي تقدم شخصية «لايف كوتش».

تضم قائمة أبطال فيلم أبو نسب كلًا من ياسمين صبري، محمد إمام، محمد لطفي، ماجد الكدواني، وفاء عامر، وهالة فاخر، وآخرين، والعمل من تأليف أيمن وتار والإخراج لـ رامي إمام.