أحمد سعد يكشف موهبة شقيقه العالم المصري.. ويؤكد: عمرو أخويا هو نجمي المفضل

كشف الفنان أحمد سعد عن موهبة شقيقه العالم المصري الدكتور سامح سعد، موضحًا أنه يمتلك صوتًا جميلًا في الغناء رغم انشغاله في المجال العلمي.

وقال أحمد سعد، خلال لقائه مع الإعلامية منى الشاذلي في برنامج "معكم": "سامح لما بيقعد معايا بحس إن في حاجة نزلت من الفضاء من كتر ما الأمخاخ مش لايقة، وبقوله عايز أروح أتفرج على أصحابك العلماء لأن ليهم شكل معين، وهو بيغني حلو أوي، وأمي ربتنا على إن أهم حاجة في حياتنا هي التعليم".

وعلى جانب آخر، تحدث أحمد سعد عن شقيقه الفنان عمرو سعد، مؤكدًا أن هناك عملًا فنيًا سيجمعهما قريبًا، قائلاً: "عمرو سعد هو نجمي المفضل وأنا بحبه جدًا على المستوى الشخصي، مش بس عشان هو أخويا لكن لأنه إنسان جميل وأخ لذيذ، وديمًا واقف جنبي ومبيسبنيش".

وأضاف أحمد سعد عن كواليس أغنيته الأخيرة "أخويا دا": "لما طلبت من عمرو يطلع معايا في الكليب كان صعب أطلب من نجم كبير زيه، لكن هو خد الموضوع بحب، وده اللي خلّى الأغنية توصل للناس بشكل مؤثر، وإن شاء الله هيكون في بينا تعاون فيلم قريبًا".