أحمد سعد: «مدخلتش ثانوية عامة.. والفيزيا والكيميا حاجات صعبة على مستوى مخ الفنان»

ياسمين حمادة 20 يناير 2023 | 02:18 مساءً

أثار الفنان أحمد سعد ضجة واسعة بسبب مؤهله الدراسي الذي كشف عنه مؤخرًا، قائلًا: «أنا مدخلتش ثانوية عامة، لأن التقديم في معهد الموسيقى العربية، بعد مرحلة الإعدادية ولمدة 7 سنين».

تصريحات أحمد سعد

أضاف أحمد سعد في تصريحات تلفزيونية له: «مفيش فنان يفهم في الكيمياء والفيزياء، دي حاجات صعبة على مستوى تفكير فنان».

وتابع الفنان أحمد سعد: «أنا عندي توفيق كبير السنة دي، وغريب يكون عندك 4 أغاني كلهم ناجحين، لأن 4 أغاني في سنة واحدة نجاح كبير أوي وليفل أعلى من أي ليفل في حتة لوحده».

سر نجاح أحمد سعد

وقال أيضًا: «لكن الناس دي تاريخ كبير وعدد سنين نجاحات، مش علشان نجحت مرة تبقى قد أكبر واحد فضل ناجح على مدار سنين، لأن الاستمرار هو أساس النجاح».

وعن سر نجاح أحمد سعد، علق قائلًا: «أمي دعت لي وزوجتي وشها خير عليا، وبتدخل في كل حياتي، وكان وشها قدم السعد وبتحبني أطلع بشكل معين ودايمًا مركزة معايا».

أحمد سعد تترات المسلسلات

واستكمل: «الناس اللي بتحبك بيكون نصيحتهم ليك خالصة مفيهاش شوائب، وطريقة النصيحة غريبة وصعبة لأني شخص مش بحب النقد، وهي بتنتقدني ليه عملت كده في الوقت ده وأنا أطلع مبررات بعد 10 دقايق أحس كلامها مظبوط».

وتحدث عن مشاركته في تترات المسلسلات قائلًا: «المخرج محمد سامي بوجه له تحية هو حكاء أوي ويدخلك جوه المود، وبيحضرني كأنه بيحضر الممثل».

أحمد سعد