أحمد سليمان يثير أزمة بعد مباراة المنتخب ويهدد بعدم إشراك لاعبي الزمالك

انتقد أحمد سليمان، عضو مجلس إدارة الزمالك، الجهاز الفني لمنتخب مصر الأول لكرة القدم، بقيادة حسام حسن بشأن مشاركة لاعبي الزمالك مع الفراعنة خلال مباراة بتسوانا في ختام تصفيات أمم إفريقيا والتي انهت بالتعادل الإيجابي بهدف لكل منهما في اللقاء الذي أقيم على ملعب ستاد الدفاع الجوي مساء أمس الثلاثاء.

وقال أحمد سليمان خلال تصريحات تليفزيونية: «هو أنت واخد لاعيبة الزمالك عشان تركنها علي الدكة وتلمع علي حسابها لاعيبة الأهلي الكلام ده مينفعش واحنا مش هنوافق عليه».

وواصل سليمان: «لو الموضوع هيمشي بالمجاملات خلاص لعيبة الزمالك لازم نحافظ عليهم وهقدم طلب لمجلس الإدارة بمنع اللعيبة من الإنضمام للمنتخب».

وعن عدم مشاكرة محمد عواد في مباراة مصر وبتسوانا قال سليمان،«يعني ايه تاخد مني اللاعيبة بتاعتي في ماتشات أنت بتجرب فيها لاعيبة ومتلاعبش لاعيبتي أنا هقدم طلب للجنة الكورة في النادي اننا ننظر في إرسال لاعيبتنا للمنتخب الوطني لو دي الطريقة اللي هيدار بيها المنتخب».

وأتم سليمان: «حصلت قبل كده عصام الحضري اعتذر عن المنتخب سنة كاملة وكان بيلعب في الأهلي وإفريقيا وعادي وكان الأهلي موافق، أنا كمان من حقي ابص لمصلحة لاعبي الزمالك.. مش هينفع اللاعيبة تروح المنتخب و ترجع نفسيتها تعبانة بسبب التمييز اللي حصل انا مش هسكت علي اللي حصل ده”.