أحمد شيبة يكشف حقيقة خناقاته في الأفراح: «خلقي ضيق وأخويا اتخطف مني»

كشف أحمد شيبة المطرب الشعبي حقيقة خانقاته مع الجمهور في الأفراح، وتحدث عن وفاة شقيقه والعديد من الشائعات التي واجهته.

تصريحات أحمد شيبة

قال أحمد شيبة في تصريحات تلفزيونية له، إنه يحضر حاليًا لفيلم يجمع نجوم الطرب الشعبي مع أمينة وسعد الصغير والليثي، وأشار إلى أن الراحل حسن الأسمر هو أحسن مطرب شعبي دخل مجال التمثيل.

وتابع أحمد شيبة : «مش بعمل خناقات في الأفراح ولكن أنا خلقي ضيق شوية بسبب أني بتشد من الجمهور بس أنا بحترم جمهوري أحيانا بطلع أغني في أفراح بيبقى ربنا فقط اللي عالم بحالي وبتقابلني حاجات بستحمل فوق طاقتي».

واستكمل أحمد شيبة تصريحاتها: «الناس تعبانة ولو أنا عليت أجري والناس ممعهاش هقعد في البيت»، كما نفى ما أشيع حول دفن شقيقه ثم نزوله للغناء في أفراح.

أحمد شيبة أحمد شيبة

أحمد شيبة وشقيقه

قال أحمد شيبة عن الشائعات التي واجهته عقب وفاة شقيقه: «اللي يقول عليا كده بعد وفاة أخويا حسبي الله ونعم الوكيل فيه، وأنا قعدت أسبوعين وبعدين رجعت الشغل عشان مصاريفي والناس اللي معايا وأبناء أخويا شغالين معايا».

وتابع: «ربنا يعلم بيا وأخويا اتخطف مني وهو كان الكبير وعياله موجودين وكان نفسي أعمل معاه كل حاجة وكنت لسه مكلمه قبل وفاته، أخويا مكنش تعبان ولا حاجة خالص وكنا عايشين مع بعض وقبل وفاته وديته المستشفى ومات».

أضاف أحمد شيبة المطرب الشعبي: «لم يخبرني أحد في المستشفى إلا بعد ما مات بساعة، وكنت مش عارف وقتها أقول لأمي إزاي لأنها مريضة والأخ ميتعوضش».

أحمد شيبة أحمد شيبة

أسرار أحمد شيبة

أسرار أحمد شيبة كشفها قائلًا: «استفادتي من أغنية آه لو لعبت يا زهر، إنها عرفت الجمهور عليَّ، وماديًا ما أخدتش حاجة ولا حتى ربع جنيه، أنا اللي صرفت على أغنية آه لو لعبت يا زهر، وعملتها على حسابي، وخدها السبكي وهي معمولة جاهزة».

وقال أيضًا: «وأخدها على الجاهز علشان يدخلني فيلم، أقسم بالله ما أخدتش من الأغنية ولا جنيه أنا اللي لحنت أغنية آه لو لعبت يا زهر، وكنت بحبها جدًّا، بس مكنتش متوقع النجاح الكبير ده يمكن ربع النجاح اللي حققته، وانضحك عليَّ فيها يعني إزاي حد يكسب من ورايا وميدنيش ولا حاجة ولا حتى 10% من المكسب اللي حققته».

تصريحات سعد لمجرد كاملة.. «معجب بأحمد شيبة وأتمنى تقديم حفل في القاهرة»

نجاة ابن أحمد شيبة بعد سقوط «بلكونة» على سيارته.. وأول تعليق من الأسرة