أحمد صلاح حسني: كل مشاهد فيلم أوسكار- عودة الماموث كانت صعبة

تحدث النجم أحمد صلاح حسني عن مشاركته في فيلم أوسكار - عودة الماموث، وكشف الصعوبات التي تعرض لها خلال فترة التصوير.

أحمد صلاح حسني يتحدث عن فيلم أوسكار - عودة الماموث

كشف أحمد صلاح حسني في تصريحات تلفزيونية، كواليس المشاهد الصعبة خلال تصوير فيلم أوسكار - عودة الماموث، وقال: 'كل المشاهد صعبة ومحتاجة مذاكرة، اتدربت فترة طويلة على الأكشن كل حاجة معمول حسابها، كل المشاهد فيها جرافيكس تقريبا 90 % من الفيلم جرافيكس هما كام مشهد بس اللي اتصوروا مشاهد عادية'.

تصريحات أحمد صلاح حسني

وتابع أحمد صلاح حسني حديثه، وقال: 'متحمس جدا للفيلم وهو تجربة جديدة لينا كلنا، فكرة إننا نفكر في تقديم فيلم معتمد على الجرافيكس'.

وأضاف: 'الثقافة عندنا هنا بنقول إننا مش قد ده أوي ومش بنعرف نعمل كده زي الأمريكان والتقنية عندنا مش عالية لكن لما نشوف في آخر 6 سنين شركات بتعمل جرافيكس متطور جدا وبقى تقريبا أحلى من حاجات بنشوفها في هوليوود ودا اللي حمسني أخوض تجربة زي دي هي جريئة لكن محسوبة'.

أما عن تعاون الفنان أحمد صلاح حسني مع الفنان محمد ثروت، قال: 'مش بعرف أصور مع محمد ثروت بيضحكني طول الوقت أنا سعيد بالشغل معاه وهو أخ ليا دا أول عمل مع بعض لكن إن شاء الله نبقى فخورين إن دا أول عمل وإن شاء الله ميكونش آخر عمل، الكيميا بينا باينة جدا هو إضافة للفيلم هو أحلى حاجة'.