أحمد عبدالوهاب عن غموض حكاية ما لم يحكى عن بني مزار: استحالة يكون الجاني شخص واحد

علق الفنان أحمد عبدالوهاب بطل حكاية ما لم يحكى عن بني مزار، ضمن حكايات مسلسل القصة الكاملة، عن الجدل المثار حول القصة الحقيقية، وهي واحدة من أكثر القضايا غموضًا التي شغلت الرأي العام قبل حوالي 20 عامًا.

وقدم أحمد عبدالوهاب في حكاية ما لم يحكى عن بني مزار، شخصية الضابط أكرم، الذي يتولى التحقيق في القضية، ويخوض رحلة البحث عن تفسير للغز جريمة بني مزار، التي شهدت مقتل 10 أشخاص بالطريقة نفسها في أماكن مختلفة وأوقات متقاربة.

وقال عبر تصريحات تلفزيونية: «إحنا عارفين أن جريمة بني مزار ماعرفناش مين الجاني الحقيقي، فيه تفسيرات اتقالت ناس قالت إن هو سحر وناس قالت ده تجارة أعضاء وناس قالت ده فتح مقبره فرعوني يعني تفسيرات».

واستكمل: «أجسامهم مفتوحة بس مفيش أعضاء اتاخدت فهي مش تجارة أعضاء، طب أُمال إيه ما مفيش أي تفسير منطقي للموضوع في التفسيرات بقى اللي مش منطقية اللي بنشوفها في المسلسل».

وعن أكثر ما اكتشفه خلال مشاهدة المواد المتعلقة بالقضية والتحضير للدور، علق قائلًا: «أخطر الحاجات أنه استحاله بني آدم واحد هو اللي يعمل كده، وأن هو سر لم يكشف».

واختتم أحمد عبدالوهاب: «أصعب مشاهد في القصة دي مشاهد المقابر فكرة أنه قاعد بسمع حكايات وبسمع أحلام من الست رئيفة، وأروح المشاهد يشوف حدوتة ويرجع لي بحاله مختلفة وأنا قاعد بسمع كل ده بعمله في نفس اللحظة، فانقل الحالات إزاي وبتاع وأنا بعمله في نفس المكان، يعني كانت دي أصعب حاجه شوية».