أحمد عبد الله محمود في موقف محرج بسبب عصام صاصا.. ويكشف عن رأيه في مسرح مصر | فيديو

كشف الفنان أحمد عبد الله محمود، عن تعرضه لموقف محرج بسبب مؤدي المهرجانات «عصام صاصا»، لأنه لا يعلم ما هو الشئ الذي يقوم بغنائه.

وأوضح أحمد عبد الله محمود، في لقاء خاص، مع حسين أنسي ببرنامج Out Box المذاع عبر سوشيال قناة صدى البلد، قائلاً: «أنا سمعت اسمه كتير كتير، ومش عارف ده بيغني ايه وفضلت وراه لغاية ما عرفت اسمه عصام صاصا، وكذا حد يقولي ازاي ما تعرفوش؟، اقوله والله ما اعرفه».

وأضاف أحمد عبد الله محمود، قائلاً: «مرة كنت في عيد ميلاد، وهو طلع غنى وأنا مشيت في نفس اللحظة وأنا معرفش مين ده!، وبعد كده حد حكالي أنه زعل، قولتله والله ما اعرفه، هو الراجل على عيني وعلى راسي، وسامع اسمه كتير جدًا بس معرفش شكله، بس لو تعرفوه قولوله ما يزعلش».

وأشار أحمد عبد الله محمود، في فقرة «زمان ولا دلوقتي»، إلى أنه أصبح مؤخرًا يشاهد أفلام أبيض وأسود، لافتًا أنه في الفترة الماضية لا يشاهد أفلامًا عربية، وإنما يهوى مشاهدة الأفلام أجنبية.

وتحدث أحمد عبد الله محمود، أنه يفضل مشاهدة مسرحية، عن مشاهدة عرض مسرحي لفرقة مسرح مصر، قائلاً: «أنا مسرح مصر بالنسبالي اسكتشات، آه الولاد دمهم خفيف جدًا وكل واحد فيهم كاراكتر وممثلين شطار وكل حاجة، لكنه شبه الاسكتشات اللي كنا بنعملها زمان في المدرسة، كل واحد يطلع بفكرة ونعمل حدوتة لذيذة وخلاص».