أحمد عبد الوهاب: خوفت من «الحشاشين» ونسيت الكلام قدام كريم عبد العزيز

تحدث الفنان أحمد عبد الوهاب عن كواليس مشاركته في مسلسل الحشاشين، أمام النجم كريم عبد العزيز في رمضان 2024.

كشف الفنان أحمد عبد الوهاب خوفه في البداية من المشاركة في مسلسل الحشاشين، قائلًا: «أنا مش بعرف أعمل أوديشن وحد يقول لي خد المشهد ده وصوره دلوقتي بحس إني محتاج أذاكر وأحضر ولما كلموني أعمل ده ورغم أني من أول ما سمعت عن المسلسل من السنة الماضية قلت يارب أعمل مشهدين في المسلسل ده كنت سامع عنه».

أحمد عبد الوهاب في مسلسل الحشاشين

وتابع: «أما كلموني أعمل أوديشن كنت متردد وخايف، كلمت مراتي وقتها كانت في فرنسا قالت لي روح فورًا وحاولت أشرح لها مخاوفي قالت روح فورًا وبعد نزولي وأدائي للمشهد كلمتها وقلتلها أدائي كان وحش جدًا أكيد مش هاخد الدور وتفاجئت الفجر إن الـ Casting director بيكلمني وبيقولي مبروك المخرج بيتر ميمي وافق عليك وقابلته وقعد يتكلم معايا ويشرح الشخصية».

واستكمل الفنان أحمد عبد الوهاب: «وعرقت يومها وأنا بتكلم وروحت قرأت الشخصية وكنت خايف وسألته بأي ثقة شايفني أعمل الدور ده؟ خاصة أن السنة الماضية كنت عامل كوميدي وبكتب كوميدي من أين جئت بالثقة إني أقدم دور زي ده؟ وكنت خايف أبوظ المسلسل لأني اللي عملته وحش هجيبلهم نقد يومي لأن مشاهدي يومية».

أحمد عبد الوهاب

تصريحات أحمد عبد الوهاب

وفيما يخص وقوفه أمام الفنان كريم عبد العزيز، قال: «أنا متخضتش كدة في حياتي إلا قدام الأستاذ كريم عبد العزيز كان له طلة مع الشكل بالزي الأسود خلاني في أول مشهد نسيت الكلام وكان أول مشهد هو مشهد المناظرة لما قالي مش آن الأوان نفتح قلوبنا لبعض.. وهو نجم كبير عارف يتعامل مع الممثل اللي قدامه وفاهم إحساسه».

وكشف أحمد عبد الوهاب أصعب المشاهد التي صورها في مسلسل الحشاشين، قائلًا: «مشهد قتل أصحابي كنت شايل همه من الأول من الورق ومكنتش عارف أعمل فيه إيه والمخرج بيتر ميمي مراية لينا بيقولنا على الحلو حلو والوحش وحش»، لافتًا إلى أنه تعرض للإصابة بسبب سقوطه من على الحصان في أحد مشاهد المعارك.

أحمد عبد الوهاب

أحمد عبد الوهاب

أحمد عبد الوهاب مسلسل الحشاشين