أحمد عبد الوهاب: رجلي باظت خلال تصوير مسلسل الحشاشين

كشف الفنان الشاب أحمد عبدالوهاب، كواليس إصابته خلال تصوير مسلسل الحشاشين، مشيرًا إلى أنه تعرض لإصابة في قدمه بسبب طول قامته.

أحمد عبد الوهاب وإصابة مسلسل الحشاشين

قال أحمد عبدالوهاب، في تصريحات تلفزيونية: 'في أحد المشاهد رجلي نزلت من الركاب، وحاولت أشد اللجام لكن الحصان طلع ندل ووقعت'.

وتابع أحمد عبد الوهاب حديثه، وقال: 'أنا أطول واحد في الجيش، وفي مشهد كان المفروض إننا نتلقى السهام بالدروع، وكمان نزحف على أرض كلها زلط، وكل مرة أظهر من بين الجيش، وفضلت أنزل لغاية ما زحفت لكن رجلي باظت'.

أحمد عبد الوهاب في مسلسل الحشاشين

تحدث الفنان أحمد عبد الوهاب عن كواليس مشاركته في مسلسل الحشاشين، أمام النجم كريم عبد العزيز في رمضان 2024.

كشف الفنان أحمد عبد الوهاب خوفه في البداية من المشاركة في مسلسل الحشاشين، قائلًا: «أنا مش بعرف أعمل أوديشن وحد يقول لي خد المشهد ده وصوره دلوقتي بحس إني محتاج أذاكر وأحضر ولما كلموني أعمل ده ورغم أني من أول ما سمعت عن المسلسل من السنة الماضية قلت يارب أعمل مشهدين في المسلسل ده كنت سامع عنه».

وتابع: «أما كلموني أعمل أوديشن كنت متردد وخايف، كلمت مراتي وقتها كانت في فرنسا قالت لي روح فورًا وحاولت أشرح لها مخاوفي قالت روح فورًا وبعد نزولي وأدائي للمشهد كلمتها وقلتلها أدائي كان وحش جدًا أكيد مش هاخد الدور وتفاجئت الفجر إن الـ Casting director بيكلمني وبيقولي مبروك المخرج بيتر ميمي وافق عليك وقابلته وقعد يتكلم معايا ويشرح الشخصية».

واستكمل الفنان أحمد عبد الوهاب: «وعرقت يومها وأنا بتكلم وروحت قرأت الشخصية وكنت خايف وسألته بأي ثقة شايفني أعمل الدور ده؟ خاصة أن السنة الماضية كنت عامل كوميدي وبكتب كوميدي من أين جئت بالثقة إني أقدم دور زي ده؟ وكنت خايف أبوظ المسلسل لأني اللي عملته وحش هجيبلهم نقد يومي لأن مشاهدي يومية».