أحمد عصام تريند بسبب كواليس زفافه الأسطوري وتصرفات مفاجئة من نجوم الفن

ياسمين حمادة 01 مارس 2023 | 10:03 صباحاً

أحمد عصام تصدر التريند خلال الساعات الماضية بعد تصريحاته الأخيرة عن كواليس حفل الزفاف الذي شهد حضور كوكبة كبيرة من نجوم الغناء، وفي أول ظهور إعلامي لزوجته.

أحمد عصام وزوجته

أحمد عصام أعرب عن اندهاشه من تصدر حفل زفافه الترند لأيام، وتحدث عن الشهود على عقد قرانه، بجانب كيفية حضور هذا الكم من النجوم وأبرزهم الهضبة عمرو دياب والكينج محمد منير.

تصريحات أحمد عصام يرصدها موقع قناة صدى البلد في السطور التالية.

تصريحات أحمد عصام

كنت دايما بحوش الحب والصحاب والأخوة، خاصة أنني لم أكن في قراراتي أن أتزوج، وفوجئت بكل الحضور في فرحي.

اختيار توقيت حفل الزفاف جاء بعد فترة طويلة من الاختيارات، وعلمت أن الهضبة عمرو دياب سيكون في مصر وقتها، وبعدت عن ارتباطاته في أوقات أخرى بحفلات خارج مصر.

لما قلت لوالدي ووالدتي إن الفرح هيكون 3 فبراير سكتوا وبعدها قالولي ده نفس ميعاد عيد جوازنا وهي مصادفة إن عيد جوازي هو نفس عيد جوازهم.

الشهود كانوا الأول الكينج محمد منير أبويا الروحي، وده كان شرط أساسي من قبل الجواز، وبعده أخويا تامر حسني، وبعده أخويا عبد الوهاب.

حمادة هلال كان مصر إنه يشهد على العقد، لكن صادف إنه كان بيصور مسلسله في لبنان، وبعد الفرح فوجئت بالاستقبال بيكلمنا الساعة 4 ونص الصبح لقيت حمادة لسة واصل من لبنان حالًا، طلع سلم علينا ورجع لبنان يصور.

حفل زفاف أحمد عصام

غناء منير مع حماقي وتامر حسني مع الهضبة عمرو دياب لم يكن مخطط له كل ده من ترتيبات ربنا، لأني مكنتش مخطط وأنا بعزم الناس إيه اللي هيحصل ولكن كل ده حصل بصورة عفوية.

لما عمرو دياب وصل كان موجود حميد الشاعري ومصطفى قمر وتامر حسني، وإداني درس لما طلع على المسرح إنهم قد إيه بيحبوا بعض، لأنه لما جات أغنية تشتغل ليه أنا بطلبها وكان الدي جي محضر أغنية جلجلي قالي أنا عايز أغنيها هتحول ليه على أغنية من أغنياتي خليها تشتغل أنا عايزها.

أنا محظوظ بحب كل الناس دي ليا، وده اللي ظهر خلال الفرح إنهم حسوا إن أخوهم بيتجوز، ومش بس النجوم لكن كمان كل اللي ساهم في الفرح من حالة محبة شديدة.

عملت الفرح عشان أنا انبسطت أنا وأصحابي، كنت قبل الفرح بـ 4 أيام بتكلم مع محمد حماقي، وقال لي نصًا أنت حوشت كتير أوي وكل الناس دي نفسها تجاملك.

من أكثر التعليقات التي جاءت لي بعد الفرح، أنت فرحت مصر والوطن العربي، خاصة أن كل شخص حضر الفرح لديه قاعدة جماهيرية عريضة.

أحمد عصام يتحدث عن زوجته

هي استحملتني كتير، أنا صعب في شغلي ووقتي، وكانت مستحملاني أوي وكان نفسي أعملها كل حاجة تبسطها، لما قعدت آجل صليت في يوم وقعدت أقول يارب هو انا هتجوز ولا مش هتجوز، وتاني يوم قولتلها يلا خلاص.