أحمد عيد عبد الملك يسخر من أحمد مرتضى منصور.. أنت صورة بس

سخر أحمد عيد عبد الملك، لاعب الزمالك السابق، من أحمد مرتضى منصور، عضو مجلس إدارة الزمالك، بسبب تصريح الأخير عن تحقيق عديد البطولات للنادي.

جاء ذلك بعدما ردّ أحمد مرتضى منصور، عضو مجلس إدارة الزمالك، على مطلب أيمن يونس، لاعب الزمالك السابق، لأعضاء مجلس إدارة النادي بالاستقالة من مناصبهم، باستهجان طلب يونس والحديث عن أنه حقق بطولات مع النادي أكثر 10 مرات مما حققها أيمن يونس سواء لاعبًا أو إداريًا مع الفريق، حسب قوله.

تعليق أحمد عيد عبد الملك

وعلّق أحمد عيد عبد الملك على ذلك بتهكم قائلًا: «البطولات: وقف القيد.. فشل في تجديد عقود نجوم الفريق.. بيع نجوم الفريق.. بيع أهم لاعب في مركزه (إمام عاشور) بدون نسبة إعادة بيع ورجوعه علي المنافس.. 10 سنين مخدتش دوري أبطال اللي كابتن أيمن معاه منه 3.. وأبوك اللي بيخوض في أعراض الناس واللاعيبة الي في النادي'.

وأضاف: «فرع 6 أكتوبر الي روحت أتصورت جنب الونش وجيت.. النادي الي بقي 100 ألف عضوية ومحدش بيعرف يقعد فيه.. ده حتي فشلت تظبط المنبه تصحي أخوك يدفع غرامة اتشيمبونج وصحيته علشان يتكتك لبابا في الانتخابات.. هو أنت عمرك أخدت قرار أو اي حد معاك يقدر ياخد قرار أنتو صورة بس».

وتابع قائلًا: «ادخل بقي كدة علي كلامك ده لكابتن أيمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت 10 معاك من الجمهور يبقى أنت الكسبان».

البطولات :

وقف القيد ..

فشل في تجديد عقود نجوم الفريق ..

بيع نجوم الفريق ..

بيع اهم لاعب في مركزه بدون نسبة اعادة بيع ورجوعه علي المنافس ..

١٠ سنين مخدتش دوري ابطال الي كابتن ايمن معاه منه ٣ ..

وابوك الي بيخوض في اعراض الناس واللاعيبة الي في النادي ..

فرع ٦ اكتوبر الي روحت اتصورت… https://t.co/dHDCj9I29q

— ahmedeid.14 (@14_ahmedeid) August 9, 2023

مطلب أيمن يونس

وكتب أيمن يونس، عبر حسابه على موقع التواصل الاجتماعي «اكس» (تويتر سابقًا)، «السادة أعضاء المجلس المتبقين.. إذا كان لديكم ذرة حب متبقية جوه قلوبكم لنادي الزمالك فاستقيلوا حتي نتذكر لكم موقف جيد.. وكفاية بجد».

وأضاف: «أما عن شيكابالا الأسطورة المخلص ابن نادينا جينات.. دم..روح. فأنا أشهد لك أنك في كل مواقفك كنت عاشق للزمالك وجماهيره بدون مزايدات».

الساده أعضاء المجلس المتبقين ..اذا كان لديكم ذره حب متبقيه جوه قلوبكم ل نادي الزمالك ..فاستقيلوا حتي نتذكر لكم موقف جيد ..و كفااااايه بجد .أما عن شيكابالا الاسطوره المخلص ابن نادينا جينات .دم ..روح .ف انا اشهد لك انك في كل مواقفك كنت عاشق للزمالك و جماهيره ..بدون مزايدات

— Ayman Younis. ايمن يونس (@AymanYounis) August 9, 2023

رد أحمد مرتضى منصور

وردّ أحمد مرتضى منصور على أيمن يونس قائلًا: «أستقيل ليه ؟! يا كابتن أنا واخد بطولات أكتر من حضرتك 10 مرات سواء عندما كنت لاعبًا أو إداريًا».

وتساءل قائلًا: «هل منطقي لو في إخفاق موسم واحد استقيل.. للأسف الكلام بيكون قدام الناس كلام، وفي الغرف المغلقة كلام تاني. كابتن أيمن عندنا شغل أكتر من الكلام لو حابب تساعد تشرف دا نادينا كلنا لحضرتك كل الاحترام».

استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري هل منطقي لو في اخفاق موسم واحد استقيل للأسف الكلام بيكون قدام الناس كلام وفي الغرف المغلقه كلام تاني كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام

— Ahmed Mortada (@AhmedMortada) August 9, 2023

وكان مرتضى منصور، رئيس الزمالك المعزول، قد طالب أعضاء مجلس إدارة الزمالك، خلال اجتماعٍ عقده معهم مطلع الأسبوع الجاري، بعدم الاستقالة من منصبهم.

وإلى حد اللحظة، لم يستقل سوى عضو واحد من مجلس إدارة الزمالك وهو أحمد دعبس، والذي استقال عقب خسارة الزمالك برباعية أمام الأهلي في الدوري المصري.