أول تعليق من أحمد عيد على تصريحاته في joy awards: كان هزار

أحمد عيد ظهر مؤخرًا في حفل joy awards، التي اقيمت في مدينة الرياض بالمملكة العربية السعودية، وخلال تواجد أحمد عيد في السعودية، انتشر تصريح له أنه غير متواجد على الساحة وسعيد بأن القائمين على حفل joy awards، تذكروه، ما جعل الفنان يحرص على الخروج لتوضيح الأمر.

أحمد عيد يخرج عن صمته

كتب الفنان أحمد عيد، عبر حسابه بموقع التواصل الاجتماعي فيسبوك: “مساء الفل، لاقيت تصريح متاخد من سياق من كلام كان بيتقال بهزار، أنا حابب أوضح إني مقصدتش أشتكي ولا أبان عندي مظلومية أنا الحمدلله بيتعرض عليا شغل كتير وأنا اللي مش عايز اشتغل غير اللي شايفه كويس احترامًا لنفسي والجمهور”.

وتابع أحمد عيد حديثه، وقال: “أنا مش فارق معايا اصلًا اشتغل أو مشتغلش المهم أعمل اللي أنا مقتنع بيه، أنا ماديًا مش محتاج ولا عندي مشكلة الحمدلله، وكلامي بيتحور احيانًا عشان ابان بشتكي أو مظلوم ليه مش عارف”.

واختتم أحمد عيد حديثه، وقال: “بالنسبة للأخ اللي عمل تعليق على الصورة مالك يا أستاذ أحمد عينك فيها حزن ليه وسايب دقنك وشنبك، عايز أقوله إن بس ده راكور عشان بصور حاليًا، وبجد بشكركم كلكم على رسائلو بوستات الدعم والمحبة”.

أحمد عيد في joy awards

وكان الفنان أحمد عيد أعرب عن سعادته بحضور حفل joy awards 2023 ودعوته بالنسخة الثانية، قائلًا: «أنا مبقتش موجود على الساحة، وتفاجأت بدعوتي، فرحت جدًا إنهم افتكروني، ونفسي آجي تاني، ونهضة السعودية الفنية هتفيد الوطن العربي بأكمله».

واستكمل: «لأن كلنا واحد وبنتشارك في نفس اللغة والتراث، وأنا جيت السعودية وعملت مسرحية من 20 يوم ويمكن عشان كدا افتكروني».

ومن المقرر أن ينافس أحمد عيد ضمن موسم مسلسلات رمضان 2023 من خلال مسلسل عملة نادرة، وتحدث عن كواليسه، قائلًا: «المخرج ماندو العدل مؤمن بيا».

وقال أحمد عيد عن مشاركته في بطولة مسلسل عملة نادرة في رمضان 2023: «لو بقيت كويس في المسلسل دا هيكون نجاح كبير بالنسبة لي لأني خايف من الدور وهقدم حاجة مختلفة، وأنا من زمان اشتغلت مع مخرجين كتير ولكن ماندو محترف وأنا سعيد إني برجع للدراما معاه».