أحمد فتحي: عدم انجابنا أنا وزوجتي قربنا بشكل أكبر من بعض.. هي قنوعة

أحمد فتحي تصدر التريند الساعات الماضية وذلك عقب تصريحاته عن زوجته التي دام زواجهما 20 عامًا، كما كشف تطورات حالته الصحية بعد تعرضه لأزمة الفترة الماضية.

أحمد فتحي يتحدث عن زوجته

قال أحمد فتحي في تصريحات تلفزيونية: 'احنا متزوجين من 20 سنة، والجواز خلاني إنسان أهدأ وأفضل، وهي ناقدة قاسية عليا، وبتحب الحق ومش عشان زوجتي تنافقني، وده بيدفعني لقدام، والجواز يدوم بالتفاهم وبالتضحية ومش بالأنانية'.

وتابع فتحي حديثه، وقال: 'زوجتي شخصية قنوعة وهي بنت أصول، وأعتقد عدم إنجابنا قربنا أكتر من بعض، وحتى في سفرياتي متواجدة معايا لأنها بتقلق عليا بشكل كبير بسبب حالتي الصحية'.

واستكمل أحمد فتحي حديثه، وقال: 'البعض أحيانا يصفني بالغرور، ولكن هي بتحب أن الناس تشوفني بشكل كويس وهي إنسانة أكتر مني بكتير، وبتقولي لازم تستوعب الناس وتتصور معهم لو طلب حد ده ومترفضش'.

تصريحات أحمد فتحي

كما كشف أحمد فتحي تفاصيل الأزمة الصحية التي تعرض لها في الفترة الأخيرة، وقال أحمد فتحي: 'أصبت بتصلب شرايين مؤخرا وعملت علمية قلب مفتوح ومزيد من الدعامات والجلطات بسبب السجائر والعادات الخاطئة في الطعام، واتعلمت من كل دا أن العمر لحظة والحكاية بتخلص'.

واختتم حديثه: 'اتعلمت أعمل اللي أنا عايزه وأحقق حلمي من غير أي حسابات لأن الحكاية في النهاية مش في ايدي ولكن هي في إيد ربنا سبحانه وتعالى، هو اللي في يده رزقنا، وفي لحظة الحياة بتنتهي وتبقى سيرة الإنسان هي اللي هتتكلم عنه بعد وفاته'.