أحمد فهمي يثير الجدل بعد الطلاق: صلاح البيت في الانفصال

كشف الفنان أحمد فهمي أسرار من حياته الشخصية والعملية لأول مرة، والخاصة بعمله في الولايات المتحدة الأمريكية عندما كان يبلغ من العمر 20 عامًا.

قال أحمد فهمي في تصريحات تلفزيونية له، إنه سافر إلى أمريكا عندما كان عمره 20 عامًا، مضيفًا: «خدت شنطة ونزلت المطار الساعة 4 الصبح، وكنت خايف لكن كان حد مديني رقم واحد شغال هناك».

أسرار أحمد فهمي

وأضاف: «كلمته واشتغلت معاه في محل فاكهة وخضار وكنت بكنس وبمسح، وأنا طبيعتي بكره البرد جدًا فكنت بدخل في تلاجة الخضار عشان اتدفى، لأن درجة الحرارة جواها أقل من الشارع».

وقال الفنان أحمد فهمي أيضًا: «اتعلمت إن أوحش حاجة في الدنيا هي الحوجة علشان كدا عمري ما بكسف حد محتاج مساعدتي أو أتعامل معاه وحش».

أحمد فهمي

تصريحات الفنان أحمد فهمي

وتابع: «عمري ما أقهر حد هو في احتياج ليا حتى بنظرة، وعمري ما أفكر إن حد شغال عندي عشان عيب جدًا، ودي كسرت الايجو جوايا وكنت شايف نفسي ناجح جدًا وقت الجامعة ولكن لما رجعت من أمريكا بقيت أفكر بشكل تاني خالص».

كما كشف الفنان أحمد فهمي كيف تعامل هو وشقيقه مع انفصال والده ووالدته، قائلًا: «والدي صاحبي جدًا وأمي ست عافرت كتير وعقد طلاق أبويا وأمي ماضي عليه وأنا عندي 19 سنة».

واختتم أحمد فهمي: «كلمة متخربش البيت.. بشوفها كلمة جاهلة جدًا لأني بشوف صلاح البيت في الانفصال.. وإحنا اتربينا أننا ننقي بعض بالشكل».

أحمد فهمي