أحمد فهمي يكشف أسراره: سرقت علم المدرسة وهربت لأمريكا

كشف الفنان أحمد فهمي أسرار من حياته الشخصية، وتفاصيل هروبه إلى أمريكا.

قال أحمد فهمي عبر تصريحات تلفزيونية: «كنت جايب في تانية ثانوي 94 وتالتة 99 ولما اتجمعوا على بعض بقوا 96 وكنت شاطر جدًا وكنت من الناس القليلين جدًا اللي كنت شايف أن الثانوية العامة دي أسهل حاجه في الدنيا».

أسرار أحمد فهمي

وأضاف: «كنت علمي رياضة، وباخد المواد على أنها الألعاب، كنت شقي جدًا بس شايف أن الدراسة لذيذة وسهلة وشايف أنها هتوديني في حتة حلوة وكنت عايز أدخل سياسة وأقتصاد، وأهلي كانوا عايزني أدخل هندسة بالمجموع ده كان يدخلني أي حاجة».

واستكمل أحمد فهمي: «ودخلت هندسة 3 سنين، وبعد كده هربت منهم وروحت أمريكا قولتلهم هتفسخ ومجتش تاني، أما رجعت حولت سياسة واقتصاد القاهرة».

أحمد فهمي

أحمد فهمي في الثانوية العامة

وأشار إلى أنه كان طالبًا مشاغبًا في مرحلة الثانوية، مستشهدًا بموقف تسبب في رفده لعدة أيام.

وقال أحمد فهمي أيضًا: «كنت بحب الكورة قوي فكنت في كل ماتشات الأهلي وكل ماتشات المنتخب، وكان عاجبني قوي علم المدرسة وكان مختوم بقى وجاي من الوزارة كنت هموت وأسرقه».

واختتم: «كنت بروح الاستاد مش معايا فلوس والعيال عاملة أعلام حلوة، فده كان جاهز والنسر حلو لأنه جاي من الوزارة كان وقتها ماتش مصر والمغرب لتصفيات كأس العالم، سرقت العلم وقعدت هربان أسبوعين وبعدها عرفوا وجابوا محقق من وزارة التربية والتعليم والموضوع كبر جدًا واترفدت شوية وخلاص».

أحمد فهمي