أحمد فهيم عن مشهد تعرضه للضرب في جعفر العمدة: كان على روح خالد صالح

ياسمين حمادة 12 ابريل 2023 | 02:56 مساءً

تحدث الفنان أحمد فهيم عن كواليس مشاركته في مسلسل جعفر العمدة، وخاصةً مشهد صفع محمد رمضان له، ضمن الأحداث.

تصريحات أحمد فهيم

قال أحمد فهيم في تصريحات تلفزيونية له: «محمد رمضان جالي وقالي هنعمل المشهد ده على روح خالد صالح.. ولما قالي كده روحت في حتة تانية».

واستكمل أحمد فهيم حديثه عن مشهد صفع محمد رمضان له قائلًا: «عملنا مشهد حلو وصعب وخدناه من كذا زاوية، وشخصية سيد العمدة صعبة جدًا بالنسبة لي».

الفنان أحمد فهيم

أحمد فهيم مسلسل جعفر العمدة

وتابع: «سيد العمدة أصعب شخصية عملتها من أول ما بدأت، هو مش عبيط لكنه راجل كبير وجواه طفل والتناقض في الشخصية هو اللي عامل الحالة دي، وكان حلمي لما خدت قرار أكون ممثل يكون عندي كارفان وأوضة بتاعتي وأكون على الأفيش وأشوفه في الشارع والحمد لله حلمي أتحقق».

وقال الفنان أحمد فهيم أيضًا: «أحمد داش بعت لي صورة الأفيش وبارك لي ولما شفتها دموعي نزلت لأنه حلم من زمان، ولما ماكنتش بشوف صورتي في أفيش أو اسمي على تتر كنت بشجع نفسي».

وفيما يخص تعاونه مع المخرج محمد سامي والفنانة هالة صدقي، قال: «الفضل يرجع لمحمد سامي في الحالة اللي حاصلة في المسلسل بيقعد معانا قبل كل مشهد والحمد لله النتيجة بتطلع كويسة وفي الكواليس كل أما هالة صدقي تقول لي إزيك يا سيد أقول لها إزيك يا أما، تقول لي كتك مو أمك إزاي وهخلفك إزاي».

الفنان أحمد فهيم