أحمد كامل: «مبغنيش في الساحل أو مكان بيكسب من الخمور»

قال المطرب أحمد كامل، أنه يستعد لإحياء حفلاً غنائيًا في النمسا خلال شهر سبتمبر المقبل، كما لديه جولة غنائية في الأردن والعراق.

وكشف أحمد كامل سبب رفضه الغناء في الساحل الشمالي، مؤكدًا على أنه مقاطع الغناء في القرى السياحية بالساحل الشمالي ولا يغني في أماكن يتواجد بها أشخاص بتشرب خمور على حد وصفه.

وأضاف أحمد كامل، قائلاً: «مبشتغلش في أماكن فيها ناس بتشرب ومش هاخد فلوس من الحاجات دي .. وكمان بيتعرض عليا اغني في ملهى ليلي وبرفض لأني مش هغني في مكان بيتربح من الخمور مش هصرف علي بيتي من الفلوس دي».

وتابع أحمد كامل، قائلاً: «أنا عارف إن في ناس هتطلع تقول طب ما الغنا حرام وكدا، لكن بالنسبالي دي قناعات وأنا مش هفتي في أمور الدين أنا أقل من كدا بكتير، وياريت لو حد ناوي يكلمني في حاجة زي دي ميكلمنيش أحسن لأني مش هرد».

وردًا على سؤال هل ممكن تبتعد عن الغناء؟، أجاب أحمد كامل قائلاً: «ياريت والله.. ودايمًا بقول يارب لو في خير اديني خيره ولو في شر أبعدني عنه وممكن يجي عليا وقت واقول مش عايز اغني وده عشان أهم حاجة في الدنيا هو اللي خلق الدنيا».