أحمد مجدي: دخلت مسرح الجامعة بسبب التكييف وهذه قصتي مع الستاند أب كوميدي

تحدث الستاند كوميدي أحمد مجدي عن كواليس دخوله هذا المجال بداية من دراسته في الجامعة، حتى اصبح من مقدمي الاسكتشات الكوميدية في عدد من الأماكن الشهيرة.

الستاند أب كوميدي أحمد مجدي

حل الستاند أب كوميدي أحمد مجدي ضيفًا على الإعلامية نهاد سمير في برنامج صباح البلد على قناة صدى البلد، وقال: 'أنا مهندس كهرباء، وموضوع الستاند أب كوميدي بدأ معايا لما كنت بمثل في مسرح الجامعة والحقيقة إني دخلته عشان التكييف، وبعدها انتقلت لمسارح الهواه والمسرح بياخد وقت طويل لكن الستاند أب كوميدي مش بيحتاج الوقت ده لأن في مرونة أكتر'.

وتابع مجدي حديثه، قائلًا: 'الستاند أب كوميدي فن قائم بذاته، فأنا بكتب وأخرج كل حاجة، وكل حاجة بعملها لنفسي، وتحضيراته صعبة لأنه كوميدي لأني لازم اكتب حاجة أكون أنا حاسسها'.

تصريحات أحمد مجدي

واستكمل كلامه: 'من المواقف الصعبة إني على طول اللي بيبقى قاعد قدامي ع المسرح بيكون مش بيحبني، وعشان كده بفضل وراهم لحد ما يضحكوا يا أضحك الناس عليهم'.

واختتم الستاند أب كوميدي أحمد مجدي كلامه، وقال: 'بحب إني العروض اللي بقدمها يبقى في ارتجال في الاسكتشات اللي بقدمها وبحب اطورها عندي'.