أحمد مراد: جالي تسمم في الدم لمدة شهر بسبب فيرتيجو.. وقعدت 4 ساعات في المشرحة

كشف الكاتب والسيناريست أحمد مراد العديد من الأسرار عن أعماله الفنية السابقة والجديدة، مثل فيلم الفيل الأزرق الذي قال عنه: «اتصرف عليه بشكل مختلف بسبب الجرافيك، ومشينا على طريقة جديدة وهي إننا نحترم عقلية بنتي اللي بتتفرج على هوليود».

تصريحات أحمد مراد

قال أحمد مراد في تصريحات تلفزيونية له: «لازم يكون في نوع من التوازن عشان ميكرهوش السينما، وفيلم الأصليين من الأفلام اللي مجبتش إيرادات ولكن من أكتر الأفلام اللي بعتز بيها».

وتابع: «وبحس الحوار مكتوب بشكل أنا مبسوط بيه، وفيلم الفيل الأزرق مش أجمل أفلامي، وأنا ومروان حامد حسينا بعد الفيلم أنه معطل لينا، لأن الناس مترقبة العمل ومنتظراه، فقررنا أننا نختبر النجاح ونعمل حاجة مش هنعملها تاني فيلم تجريبي وكأننا بنعمل مشروع لمعهد السينما».

أحمد مراد

أحمد مراد ونجوم الفن

وعن الفنانة هند صبري، قال السيناريست أحمد مراد: «هند صبري بتخوف في مذاكرتها، وماجد الكدواني عنده إتقان رهيب وكريم عبد العزيز بينتقل من حالة لحالة، أما رواية فيرتيجو عملت ليا شهرة ونجاح كبير جدًا، ومن كتر رعبي من القاريء جالي تسمم في الدم لمدة شهر بسبب أن رواية فيرتيجو لفترة كبيرة فضلت الأكثر مبيعًا».

واستكمل: «تراب الماس أكثر رواية مرعبة عدت عليا في حياتي، لدرجة إني قررت أروح المشرحة وقعدت 4 ساعات عشان أشوف إيه اللي بيحصل للإنسان بعد ما يموت والبحث جوا عالم اليهود صعب يتفهم».

أسرار أحمد مراد

وأضاف الفنان أحمد مراد: «عقابي في البيت كان مربوط بحرماني من الفن.. وممتن جدًا أني مضربتش وأنا صغير ومحصلش ليا أي نوع من التشوية النفسي.. ومكنتش متفوق في الدراسة، ووقفت كل السوشيال ميديا من 6 سنين عشان تصفحها سرق مني زمن القراءة».

أحمد مراد

أحمد مراد