أحمد موسى: السادات تحدث عن تنمية البحر المتوسط والأحمر.. وده بيتعمل دلوقتي

أكد الإعلامي أحمد موسى أن الرئيس الراحل أنور السادات تحدث عن ضرورة تنمية سيناء، مشيرا إلى أن عددا من المشروعات التي تحدث عنها السادات يجري تنفيذها حاليا.

وقال الإعلامي أحمد موسى، خلال تقديم برنامج «على مسئوليتي» المذاع على قناة «صدى البلد»: «الرئيس الراحل السادات أكد أنه لابد من تنمية سيناء، وحق الأقاليم والمحافظات، كما تكلم عن قناة السويس قائلا: لابد من الاهتمام بمنطقة قناة السويس، ولابد أن يمتد العمران إلى قلب سيناء، وهذا ما يفعله الرئيس السيسي دلوقتي، وبيتعمل في سيناء».

ووجه رسالة للمشككين: «يا اللي مش بتقرأ اقرأ، لو قرأت الكلام ده تخرس،الرئيس السادات تكلم أيضا عن تنمية في البحر المتوسط والأحمر وده بيتعمل دلوقتي ويقولك الدولة معندهاش رؤية، ده أنا بكلمك عن الرئيس السادات، ولا تعرفوا حاجة عن الكلام ده».

واستكمل: «البلد بتشتغل من بدري، سيبكم من الناس اللي بيشتموا في كل حاجة وبيقللوا من كل حاجة بتحصل في البلد، ورؤية الرئيس السادات ده اللي بيعمله الرئيس السيسي النهارده».

وتابع: «الرئيس السادات تحدث عن التنمية والمشروعات المدروسة في هذه المناطق، وده اللي بيتعمل دلوقتي شيء مبهر».

وأوضح: «الرئيس السادات قال هعمل عملية عسكرية أرجع بيها أرضي وبعدها أدخل في السلام، وبعدين في أيام الرئيس مبارك رجعنا طابا، وقالوله نعمل طابا منطقة فاصلة تكون بينا وبينهم، ورفض الرئيس مبارك وقال طابا مصرية».

وأضاف: «إحنا بنحترم كل الناس وكل القادة وكل العالم العربي، ومش هنسمح لأحد أنه يمس أي حد من قادة مصر في أي مكان، ومينفعش واحد مصري يتكلم كده».