أحمد موسى: الكل بيشكتي من الأسعار.. الأسعار غالية وبتزيد.. أكيد مش بنستورد الطماطم أو الفاكهة

وجه الإعلامي أحمد موسى، الشكر لمحافظ قنا اللواء دكتور مصطفى الببلاوي، وعدد من المسئولين بالمحافظة بشأن مشكلة داخل السوق الحضاري بنجع حمادي، معلقا: الرجل اشتكى إن الناس مش بتيجي السوق .. هو اللي بينضف واللي بـ يتابع، رجل شجاع لأنه وجه شكواه للمحافظ بكل شجاعة.

وتابع الإعلامي أحمد موسى، خلال تقديم برنامج على مسئوليتي المذاع على قناة صدى البلد، أن محافظ قنا اتحذ إجراءات عاجلة لإنصاف حق الرجل صاحب الشكوى، معلقا: تم شرح تفاصيل الشكاوى بالتفاصيل، والمحافظ استمع له واستجاب على الفور.

وأوضح الإعلامي أحمد موسى: بعد أن استمع المحافظ إلى شكوى المواطن بشأن مشكلة داخل السوق الحضاري بنجع حمادي، المحافظ رد على العامل وقال له حقك عليا وسنتخذ كافة الإجراءات للمصلحة العامة وخدمة الأهالي.

وأضاف: الرجل بيشتكي وبيقول "كل يوم بمسح الحمامات" والمحافظ وجه بتوفير العمالة والخدمات، وعمل هيكل إداري.

وذكر الإعلامي أحمد موسى: أي حد تكلمه اليوم يقولك الأسعار.. الكل بيشكتي من الأسعار.. الأسعار غالية وبتزيد.. أكيد مش بنستورد الطماطم أو الفاكهة.. أيه اللي يخلي الأسعار تزيد ؟!، والأسعار كل محل بسعر مختلف 3 أسعار للمنتجات.. لا يوجد رقابة كاملة .. الشفافية مطلوبة لأننا عايزين نبني البلد.

وتابع: ماعدنيش مشكلة.. اللي ينتقد ينتقد واللي يشيد يشيد واللي يصرخ يصرخ .. لا نتدخل في رأي المواطن.

ووجه الإعلامي أحمد موسى رسالة لـ الحكومة: يا جماعة متخبوش حاجة من فضلكم.. قولوا كل حاجة حصلت في البلد مفيش مشكلة على الإطلاق.. عشان يعرفوا بلدنا كانت أيه وقدرنا نعمل أيه وهنوصل لأيه.

وأضاف: الدولة من السبعينات من القرن الماضي كان الإرهاب بينفذ عمليات فيها .. واغتيالات شملت مسؤولين وحتى الرئيس الأسبق مبارك تعرض لمحاولات اغتيال وكوارث.. عايزين البلد تبقى ضعيفة ويضربوا منشآت .. البلد تعرضت لمشكلات هائلة حتى أكبر كارثة وهي حكم التنظيم الإرهابي لكن كل دا انتهى.. أيوا يوجد بعض التحديات بشأن الأسعار، والمرتبات مش بتكفي لازم تشتغل شغلانتين وتلاته، مصاريف الأولاد المدارس والجامعات والأكل والشرب والأوتوبيسات والنقل.