قال الإعلامي أحمد موسى، إن الدكتور مصطفى مدبولي رئيس مجلس الوزراء، يسأل المواطنين عن احتياجاتهم ويسمع منهم، معلقا: وأنا بقول لحضراتكم عندما تجدوا أي مسؤول أو حتى رئيس الوزراء لو سمحتم قولوا له مشاكلكم أيه قولوا الإيجابي والسلبي.
وتابع الإعلامي أحمد موسى، خلال تقديم برنامج على مسؤوليتي المذاع على قناة صدى البلد: الحكومة تتجاوب بسرعة، ولو قابلت وزير العدل في بني سويف
النهاردة كلمه واسأله.. لو قابلت مسؤول قوله لو سمحت أنا عندي واحد اتنين تلاته.
وأضاف الإعلامي أحمد موسى: مفيش حاجة نخبيها.. كلنا للناس.. كله بيشتغل.. محدش بيقعد مدى الحياة.. المسؤول جاي يخدم المواطن .. كل واحد يؤدي خدمته ودوره، وهذه سنة الحياة، محدش بيبقى مدى الحياة اسمها خدمة عامة خدمة وطنية.. وكلهم حبايبنا.. العمل الحكومي الآن خدمة شاقة ليس هناك رفاهية.. الجميع بيعمل .. خاصة مع شخص زي الرئيس السيسي اللي هو من الفجر بيتابع العمل.
وذكر: مبقاش فيه مطمع .. احلف بالله على الهواء أقل مسؤول في البلد بيشتغل 12 ساعة.. فيه وزراء مش عايز أقول أسماء .. التليفون دا جنبه هتجيله مكالمة الساعة 1 و2 صباحا.
