أحمد موسى: المصريون والعرب احتفلوا بتأهل الفراعنة.. ومن لا يدعم المنتخب يركن على جنب.. فيديو

علق الإعلامي أحمد موسى، على احتفالات الدول العربية بتأهل مصر للدور الـ32 من بطولة كأس العالم، مردفًا:« مع كامل احترامي للكل، مصر غير، احتفالات في كل شوارع الدول العربية، في الإمارات وفي غزة وفي كل الدول»,

وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن مشاهد احتفالات غزة بتأهل مصر للدور الـ32 كاشفة، مردفًا:«لا يمكن لأهل غزة يخرجوا وهيتفوا كدا، إلا وهما عارفين دور مصر والرئيس السيسي على دعم لغزة، أنت فرحان وهما كمان فرحانيين لينا بجد، مفيش حد هيصحي الساعة 4 أو 5 الصبح علشان شو، دول قاعدين يشاهدوا وراهم الأنقاض، ودي رسالة قوية، وأنا من هنا بحيهم، وعلينا واجب ننشر الفيديوهات بتاعتهم دي، وفرحانين لفرحنا».

وتابع:«كمان كل المصريين في كل مكان النهاردة الصبح راحوا شجعوا مصر، دول صلوا الفجر وراحوا يشوفوا الماتش، أنت عاوزين الناس دي تروح زعلانة».

ونوه أحمد موسى إلى أنه من اليوم إلى الأربعاء سيكون دعم لمنتخب مصر، مردفًا:«في حد يزعل أنه مصر في الدور الـ32، طيب لو مش هتدعم خلاص خليك أركن لو شايف أنه مش عملنا حاجة، كل التحية لكل الأشقاء في العالم العربي لدعمهم للمنتخب الوطني».