أحمد موسى: عاوزين نعدم الإخوان اللي واخدين حكم.. ومفيش معتقلين في مصر

كشف الإعلامي أحمد موسى، أن الإخواني لو لقي فرصة يحرق ويدمر البلد هيعمل كده ولكن عندنا أجهزة صاحية ومركزة قوي ليهم في الداخل والخارج، والشعب لن يسمح لهم بالتسلل من جديد ولن يسامحهم.

وتابع خلال تقديم برنامج «على مسئوليتي»، المذاع على قناة «صدى البلد»: 'مين بيقتل في الجيش والشرطة والمدنيين والتخريب والتدمير للبلد على مدار 14 سنة'.

وأردف الإعلامي أحمد موسى، متسائلا: 'مين بيعمل إرهاب للسفارات المصرية في الخارج ويحاصرها، إنهم الإخوان عشان علاقة التنظيم بمجرم الحرب نتنياهو'.

وأكمل أنه لا بد من الانتباه لخطورة الإخوان ولازم نكمل خطوتنا ووقفتنا في 2013 لإنقاذ الوطن من الجماعة اللي عاوزة ترجع تحكم تاني بنفس الأشخاص، مضيفا: أقولها على الهواء إنه مفيش معتقلين في السجون المصرية، وإنما هؤلاء مدانين.

واختتم اللي في السجون إما موجودين بناء على أحكام محاكم مدنية مصرية أو نيابة عامة وأخدوا كل درجات التقاضي ومعاهم دفاع ومحامين وفي ناس واخدة أحكام باتة بالإعدام عاوزين نعدمهم لأنه خربوا وفجروا وقتلوا.