أحمد موسى: في أسعار بتنزل 30 و40% وعايزين نحافظ على ده

أكد الإعلامي أحمد موسى على ضرورة تكثيف الجهود الحكومية لتقديم حوافز استثمارية ملموسة وحقيقية، وذلك لتعظيم الاستفادة من مؤشرات الاقتصاد الإيجابية واستقرار الوضع الأمني في البلاد.

وشدد موسى على أن الهدف النهائي من كافة الإصلاحات هو أن يشعر المواطن العادي بثمرة هذا الجهد في حياته ودخله، معلقا: كل المؤشرات بفضل الله إيجابي، المواطن عايز جيبه ومرتبه يزيد؛ لأنه من 2011 لحد دلوقتي تعب، بيدفع ثمن كبير جداً، لازم يجي وقت المواطن يحس بثمرة تعبه وتحمله وصبره وجهده ومساندته لبلده.

وواصل أحمد موسى: لازم المواطن يحس بالتغيير في المرتبات في المعاشات في أكله وفي شربه، عايز جيبه رقم واحد جيبه، مرتبه يزيد، المواطن عايز كده، وأي واحد تسأله إيه طلباتك؟ يقول لك مرتبي مش مكفيني، تسمعها من كام واحد دي؟ تسمعها من كثير مفيش حد ما بيقولهاش بالمناسبة يعني، مرتبي مش مكفيني، لازم تشغل شغلانة و2 و3 علشان   يقدر يكفيه الشهر، مين دخله النهارده بيكفيه الشهر؟ كام واحد؟ فده مطلب.

واختتم أحمد موسى: النهارده فيه سلع بتنزل؟ أيوه فيه سلع بتنزل واتكلمنا عليها خلال الفترة اللي فاتت، إنخفاض يمكن بنسبة 30 و40% لبعض السلع، عايزين نحافظ على ده، وكل ما انخفضت الأسعار المواطن يقول لك أنا حسيت إن حاجة نزلت.