أحمد موسى: مصر كانت تتعرض لحملات ممنهجة قبل 10 سنوات وكلها طلعت فنكوش.. فيديو
![صور](https://i0.wp.com/cdn.elbaladtv.net/wp-content/uploads/2024/03/مصر.jpg?resize=250,150&ssl=1)
أكد الإعلامي أحمد موسى، أن مصر كانت تتعرض لحملات ممنهجة قبل 10 سنوات، وجميعها «طلعت فنكوش»، والناس كانت بتقول إن الرئيس عبدالفتاح السيسي مش هيكمل سنة ولا اتنين، ولكن بفضل الله داخلين على ولاية جديدة.
وأضاف أحمد موسى خلال تقديم برنامج «على مسئوليتي» المذاع على قناة صدى البلد، «مصر كانت تتعرض لموجة إرهابية قبل 10 سنوات، ولكن الموجة دي اتنست، ومش ناسيين الإرهابي اللي قتل 14 واحد على كوبري أبو العلا، ومش ناسيين برضو عملية محاولة اغتيال وزير الداخلية محمد إبراهيم، ولا ناسيين اغتيال الشهيد هشام بركات عند بيته في مصر الجديدة».
وأشار الإعلامي أحمد موسى، إلى وجود تفجيرات الإرهابيين في المعادي والقاهرة الجديدة وضرب النار على المواطنين في الشوارع، وتعذيب المواطنين في الاتحادية وعمليات التخريب في ميدان التحرير، فضلا عن كم الشهداء الكبير في مصر خلال تلك الفترة.
وقال: «كان عندنا كل يوم حوالي 5 شهداء على الأقل من أبناء الوطن، ومكنش حد يقدر وقتها ييجي يستثمر في مصر ولا يقعد فيها من المستثمرين والأجانب، ولكن دلوقتي مصر بقت حاجة تانية غير الفترة اللي فاتت دي نهائي».
واختتم أحمد موسى: علم تنظيم داعش اترفع في ميدان التحرير وميدان رمسيس، ولكن ربنا سلم وحمى مصر، لافتًا: النهاردة بنتكلم على أمن وأمان حقيقي، والجميع يشهد على قوة وصلابة الوضع الأمني في مصر خلال الفترة الراهنة.