أحمد موسى يأكل فسيخ ورنجة على الهواء احتفالا بشم النسيم: ياه على المتعة.. فيديو

تناول الإعلامي أحمد موسى؛ مأكولات من الفسيخ والرنجة على الهواء مباشرةً احتفالا بيوم شم النسيم والمقرر له غدًا الإثنين الموافق 6 مايو 2024.

وقال أحمد موسى خلال تقديم برنامج على مسئوليتي المذاع على قناة صدى البلد، «أنا بحب الفسيخ جدًا، الفسيخ ده حلو وياسلام لو يتاكل مع البصل والعيش كده ياه على المتعة».

وعلق الإعلامي أحمد موسى على رائحة الفسيخ الرائجة قائلاً: «أنا شامم الريحة من على بعد وأنا قاعد في الاستديو، ومدينة الإنتاج الإعلامي كلها شامة الريحة دلوقتي».

وعند تناوله الملوحة، علق أحمد موسى قائلاً: «إحنا عندنا في الصعيد الملوحة مش الفسيخ، وبنحبها جدًا، وبتيجي من السد العالي وبحيرة ناصر، وبتكون مالحة مالحة يعني وجامدة وملوحة وملوحة».

أما بشأن تناول الفسيخ بالشوكة والسكين، أردف الإعلامي أحمد موسى: «الفسيخ عمره ما يتاكل بالشوكة والسكين، الفسيخ لازم يتاكل بالعيش ياسلام عليه مع البصل كده، حاجة خطيرة، وأكله بالليل حاجة جميلة أوي».