أشاد الإعلامي أحمد موسى، بالإقبال الكثيف على معارض أهلا رمضان التي عملت الحكومة على إقامتها تزامنًا مع اقتراب شهر رمضان الكريم وتوفير السلع والمواد الغذائية للمواطنين بأسعار عادلة.

وناشد الإعلامي أحمد موسى خلال تقديمه برنامج «على مسئوليتي» المذاع على قناة صدى البلد، المواطنين بعدم تخزين السلع، وكل واحد ينزل ياخد احتياجاته وبس، لإن فيه كميات كبيرة جدا من كل الأنواع ومتاحة أمام الجميع، زي اللحوم والأسماك والفراخ والمواد الغذائية الأخرى.

معارض أهلا رمضان

وتابع أحمد موسى: «مفيش حاجة اسمها ممكن أروح ملاقيش حاجة، كل الأنواع موجودة ومتوفرة بشكل كبير، وفيه بدل التاجر اتنين وثلاثة وعشرة وبمختلف الأسعار».

وأكمل: «اللي عايز أي حاجة دلوقتي يقدر يشتريها على طول من المعارض، دي معارض للناس، والدولة لما بتشتغل بتشتغل بجد».

كما ناشد الإعلامي أحمد موسى أيضًا؛ وزارة التموين ومسئولي المحافظات المختلفة؛ بضرورة إقامة معارض أهلا رمضان في القرى أيضًا بجانب المدن، لأنها أهم وأولى من المدن ، فالقرى في حاجة لهذه الأنواع من المعارض والدعم، معقبًا: «حقهم علينا نوصل ليهم المعارض دي».