وقال الإعلامي أحمد موسى، خلال تقديم برنامج «على مسئوليتي» المذاع على قناة «صدى البلد»، إنه في 27 أكتوبر 2009 وقع تصادم بين قطارين، مثل الحادث الذي وقع مؤخرًا بين قطاري العياط، متسائلًا: «ليه المنطقة دي بتحصل فيها كده؟، نفس الحادثة اللي حصلت، هي بتاعة 2009».
وأضاف: «وأصدرت النيابة العامة بيان بشأن حادث قطاري العياط منذ قليل، وحددت 10 محاور لمأمورية اللجنة».
وأوضح: «اتشكلت في 2009 لجنة أيضا في مثل هذا الحادث، وكانت الحادثة كما حدثت، وأصدرت اللجنة تقريرا، ومعرفش اتعمل بيه ولا لأ؟، الكلام المهم مين السبب وليه الحادث بيتكرر؟ كل دي أسئلة محتاجين نعرف إجابتها».
وتابع: «مش عارفين عدد المتهمين هيكون كام واحد وهنستنى ما يثبت من التحقيقات ، عشان ما نظلمش الناس كلها، لما الفريق كامل الوزير استلم كان 50 ألف شخص بيشتغلوا في السكة الحديد، وحاليًا 30 ألف شخص، هل نظلم الـ30 ألف؟ لا، بعض الأفراد الذين لم يؤدوا عملهم سيحاسبون».
واستطرد: «لا نظلم كل العاملين في السكة الحديد، فيه عنصر بشري فاسد هيتحاكم، وهل اللي هيتحاكم يسيء لكل القطاع؟ الإجابة لا، وهذا القطاع اشتغل وشغال، ليه الناس بتروح للقطار؟ لأنه أكثر أمانا وأوفر، ولو مفيش قطار في مصر كان هيكون عندنا كارثة، والقطاع ده لازم أحافظ عليه، ولو عنصر فاسد نبتره، والأولوية إن المنظومة تكمل، وأي فساد موجود يُبتر، والفريق كامل الوزير مبيهزرش، والنيابة العامة هتاخد حق الناس كلها، حتى لا يتكرر ذلك مستقبلًا».
وأوضح: «لا حل إلا التطوير المتقدم للعنصر البشري، ويكون تعيينه من حملة الشهادات العليا، ووديه الكلية الحربية، يتدرب 6 شهور ويخضع لفحص أمني ونفسي وطبي، والأمن قبل الصحة عشان تطمن، ممكن يكون صحته زي الفل وعنده مشكلة أمنية، يا فرحتي».
