أحمد موسى يطالب جماهير الأهلي بعدم الانسياق وراء الكتائب الإلكترونية.. فيديو

طالب الإعلامي أحمد موسى، جمهور النادي الأهلي بعدم الانسياق وراء الحملات الممنهجة التي تستهدف هدم النادي قائلا: «فريقك لما يخسر توقف معاه أكثر وقت الشدة مش تهدم النادي، مينفعش الكتائب الإلكترونية تشتغل على الكابتن محمود الخطيب رئيس الأهلي، وسيد عبد الحفيظ مدير الكرة، وحسام غالي عضو مجلس الإدارة، والمدرب البرتغالي سواريش دلوقتي الراجل لسه ميعرفش أسماء اللاعبين لسه جاي يسخن يتحاسب على إيه».

الأهلي والزمالك

وأضاف خلال برنامج على مسؤوليتي المذاع على قناة صدى البلد، «منظومة الرياضة في مصر تحتاج إلى عمل آخر ، نتكلم على الاستثمار في الرياضة، محتاجين ندعم المجال ولازم يكون الأهلي والزمالك والإسماعيلي وسموحة وسيراميكا كليوباترا أقوياء جدا وباقي الأندية».

وأشاد الإعلامي أحمد موسى بتجرية سيراميكا كليوباترا قائلا «شوف عاملة إزاي مع تطبيق الاستثمار، الأندية المصرية لازم تستثمر زي سيراميكا كليوباترا، عندها رجل أعمال عارف بيعمل إيه يجيب لاعب بمليون جنيه يستثمر فيه ويبيعه بعشرة مليون و50 مليون دلوقتي المسألة مختلفة».